Ndumba 14:24 - Bible azumeina

²⁴ Wani azong mana Kalep ma nga oîd’a ki muzuk ma dingâ ma nga mi tit yam zla mandina, an mba ni kalam yam ambas sa mam d’uta, andjavam mba mi tat djona mi.

Ndumba 14:24 Referans Kwoze

Efes-sâ 6:6

Ar agi lagi ni ir suma a lazi tazi djivid’a go d’i, wani agi lagi minda hAlonid’a ki hurugi pet d’igi magumeina hi Christ-sâ na mi.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Gat ta a hat á mbàd’id’a 1:36

Ni Kalep Jefune goroma hol ba, mba mi wad’u, ni mam ki groma ba, an mba ni hum ambas sa mam tid’ï kata, kayam mi tit kur lovot manda memet.

Ndumba 26:65

Kayam Ma didina mi dala: A mba bo woi abagei hur fulâ; sa tu pî mba mi ar ri, ni Kalep Jefune goroma ki Josue Nun goroma hol ba, a mba ara.

Ndumba 13:30

Kalep mi seng suma a nga ka ad’u Moise-sâ, mi dala: Ei ïgiya! Ei mba hlei ambas ndata, kayam ei mba kuzi kad’u!

Kolos-sâ 3:23

Sun nda lara ge pet ta agi nga lata, agi lagizi ni ki hur ma tuna yam Salad’a, nga ni yam suma d’i.

Sawal la giled’a 119:80

Ar an kak d’ingêr á tit yam gat manga, kayam an mbut zulona avorong ngi.

2 Sunda Hamuleinid’a 25:2

Mi le sun nda djivid’a avok Ma didina, wani nga ni ki hur ma tuna d’i.

1 Sunda Hamuleinid’a 29:18

Ma didina Alona habuyomi ngolo Abraham, Isak ki Jakob-ma, ang ar djib’er ndata ti kak kur sum mangâ burâ ki burâ, ang ar ti kak hina ngingring kang ang mi.

1 Sunda Hamuleinid’a 29:9

Suma a le furîd’a yam he d’a hawa d’a a hat kur min mazid’id’a, kayam a hat mi Ma didina ni ki hur ma tuna bei gigrita. Amulâ David pî mi le furîd’a ngola mi.

Gat ta a hat á mbàd’id’a 6:5

Ang le yam Ma didina Alo mangâ ki hurung pet ki tang pet kad’engêng pet mi.

Zla d’a d’ogolâ 23:26

Gorona, ang han hurungû, ang hle ni balum asen mi.

Sawal la giled’a 119:145

Ma didina, an nga ni yang kad’engên pet; ang humunu, kayam an ngom gat manga.

Ndumba 14:30

An gun tanu, agi mba kalagi kur ambas sa an hle vunan kat ala agi kalagi kuad’a d’i. Ni Kalep Jefune goroma ki Josue Nun goroma hol ba, a mba kal kua.