Ndumba 14:22 - Bible azumeina

²² Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na,

Ndumba 14:22 Referans Kwoze

Wana ni mbaktumba hi Job-pa 19:3

Wana ni yagi á dogo d’a ba, agi nga ngulunu! Ndak ka agi nga landji wanda, zulo nga mi lagi avun nduo zu?

Sawal la giled’a 106:26

Mi hlabom akulo, mi gun tam kazi ala mam mba mi tchazi woi abagei hur fulâ,

Ad’u Tinda 31:7

Wani abugi mi lan iranu, mi mbud’un wurak manda yam dogo, wani Alona mi aram nga á lan vama tcho d’i.

Buzuk ka Abud’a 32:1

Ata yima Israel-lâ a wala Moise yam sä d’i vakulo yam ahinad’a tua na, a tok gen Aron, a dum ala: Ang tchol akulo, ang yoromi alo ma teteng ma mba mi tit avoromina, kayam Moise ma kol ma buzugumi woi kur ambas sa Ezipte-d’ina, ami wami nga vama luma d’i.

Buzuk ka Abud’a 17:2

a nde yalâ ki Moise, a dum ala: Ang hamï mbiyo ma tched’a. Moise mi hulong dazi ala: Ni kayam me ba, agi yalandi ge? Ni kayam me ba, agi kugugi Ma didina ge?

Hebre-na 3:9

Alona mi dala: Abuyogi ngolo a kugunu, a ngan ata yima azi we sun man nda an lata bizad’a dok fid’ina.

1 Korente-na 10:9

Ar ei kugi Salad’a d’igi suma dingâ adigazi a kugum hina ba guguyona a tchazi woi na d’i.

1 Korente-na 10:5

Wani suma ablaud’a adigazi a le nga Alona tam djivi d’i. Kayam ndata, a bo woi kur fulâ.

Matiye 4:7

Jesus mi hulong dum ala: A b’ir kur mbaktumba hAlonid’a kua ala: Ang kuk Ma didina Alo mangâ d’i.

Malatchi 3:15

Tchetchem mba wanda, hotei ni suma subur tad’a d’o, kayam azi nga ki furîd’a! Gagazi, suma tchona, ahle mazina a nga zula, a nga kuk Alona wan pî, va nga mi lazi d’i!

Sawal la giled’a 106:14

Abagei hur fulâ huruzi oî ki d’od’oka; azi nga kuk Alona abagei hur ful ma gangrasâ mi.

Ndumba 14:11

Ma didina mi de mi Moise ala: Sum ndazina a mba son vunan hina gaga’î mindja ge? Ahle suma simat suma an nga ni lazi adigazina hina pet pî, azi nga he gagazid’a kan nduo hina gaga’î mindja ge?

Buzuk ka Abud’a 14:11

A de mi Moise ala: Na ni yima tos matna nga avo Ezipte d’uo zu? Ni kayam me ba, ang yomï á tchid’a woi abagei hur fulâ ge? Ni kayam me ba, ang buzugumï woi avo Ezipte ge?

Ad’u Tinda 31:41

An le bizad’a avo hatangî dok mbà, an lang sunda bizad’a dogo yam fid’i yam grong suma mbàna, bizad’a karagaya yam d’uwar mangâ, wani ang mbud’un wurak manda yang dodogo.

Buzuk ka Abud’a 5:21

Azi dazi ala: Ar Ma didina mi gologiya, mi ka ir zla ndata! Agi mbud’umi ndjendjed’a avok Faron ki sum mama, agi hazi mbigeud’a abozi á tchamiya.

Buzuk ka Abud’a 15:24

Ablau suma a nde gureî yam Moise, a nga dala: Ei mba tchei hî ni me ge?

Buzuk ka Abud’a 16:2

Ata yi máma ablaud’a hi Israel-lîd’a pet a nde gureî abagei hur fulâ yam Moise azi ki Aron.

Buzuk ka Abud’a 17:3

Sum ndazina vun ma sod’a mi kal ataziya, a nga gureî yam Moise, a dum ala: Ni kayam me ba, ang buzugumï woi kur Ezipte á tchami woi ki vun ma sod’a ki gromina ki d’uwar mamina mi ge?

Buzuk ka Abud’a 17:7

Mi yi yi máma ala Masa, mi yum ala Meriba mi, nala, Kuka ki Yalâ, kayam Israel-lâ a yal ki Moise, a kuk Ma didina mi, a dala: Ma didina mi nga adigei d’oze mi nga adigei d’uo zu?

Ndumba 11:1

Israel-lâ a nga gureî gureî d’a tchod’a yam Ma didina. Ma didina mi huma, hurum zal ngola, mi sunï akud’a adigaziya. Ti ngal vun kangâ woi burut.

Ndumba 11:4

Andjaf ma ding ma teteng ma nga aduk Israel-lîna nga ni le d’od’oka heî. Israel-lâ tazid’a pî a tchol tchina ala: Ni nge ba, mba mi hami hliuna á mutna ge?

Ndumba 12:1

Miriyam azi ki Aron a nga ka ad’u Moise yam atcha d’a Etiyopi d’a mi vata, kayam mi vatcha d’a Etiyopi-d’a. A de tazi ala:

Ndumba 14:2

Ablau suma Israel-lâ pet a nde gureî yam Moise azi ki Aron, a dazi ala: Ami bomiza adjï navo Ezipte ni hotei, d’oze bomi nabagei hur fulâ ka hî pî ni hotei mi!

Gat ta a hat á mbàd’id’a 9:7

Moise mi de kua ala: Agi djib’eregiya, agi maragi yam zal la agi zalagi hur Ma didina Alo magina abagei hur fulâ adjeud’a d’i. Tinï ad’ud’a kur bur ma agi buzugugï woi Ezipte-na dei gak mba magid’a ini ata yima wanid’a, agi ni suma so vun Ma didina.

Sawal la giled’a 78:41

Azi hulong kugumu, azi b’lak hur Alo ma tin tam irat vat yam Israel-lîna.

Daniel 1:20

Ata yima amulâ mi djobozi ad’ud’a yam hat ta lara ge d’a yam ned’a ki wed’id’a, nga mi fe hum mba azi hulongômzid’a kal hum mba suma mbuta ki suma a djop ki tchitchiud’a suma kur leu mamba petna a hulongômzid’a yazi dogo.

Ndumba 32:12

Ni Kalep Jefune gorom ma ad’u andjafâ hi Kenas-sâ ki Josue Nun goroma hol ba, a mba kala, kayam azi tit kur lovota hi an Ma didinid’a memet.

Isai 42:20

Ang wahlena ngola, wani ang djib’er nga kazi d’i; ang tin humang á humba, wani ang nga hum mbi.