Ndumba 13:8 - Bible azumeina

⁸ Ma ad’u andjafâ hi Efraim-mina ni Ose Nun goroma;

Ndumba 13:8 Referans Kwoze

Ndumba 11:28

Josue Nun gorom ma azongâ hi Moise ma nga zlapa ki sed’em ki gogorom deina, mi dum ala: Salana Moise, ang d’eleziya!

Buzuk ka Abud’a 24:13

Moise mi tchol kazong mama Josue, a nde djak akulo yam ahinad’a hAlonid’a.

Josue 1:16

Azi hulong de mi Josue ala: Ami mba lami ahlena pet suma ang hami vuna kazina. Ata yima lara ma ang mba sunumi kuana, ami mba imi kua mi.

Gat ta a hat á mbàd’id’a 34:9

Josue Nun goroma mi oî ki muzuk ma ned’a, kayam Moise mi tin abom kamu. Israel-lâ a ge yazi kä avorom d’igi Ma didina mi he vuna mi Moise na.

Gat ta a hat á mbàd’id’a 32:44

Moise azi ki Josue Nun goroma a mba a ndum sawal ndata ki zla tat pet kayam suma a humud’u.

Gat ta a hat á mbàd’id’a 31:23

Bugola, Ma didina mi he vuna mi Josue Nun goroma, mi dum ala: Ang ve tang ad’enga, ang so tangû! Ni ang ba, mba kal Israel-lâ kur ambas sa an hlazi vunan kat á hazizid’a, an tanda mba ni tit ki sed’engû.

Gat ta a hat á mbàd’id’a 31:14

Ma didina mi de mi Moise ala: Gola! Bur ma ang mit kuana mi ar go. Ang yi Josue, agi i tchologi kur zlub’u d’a ngaf tad’a. An mba ni hum vun man ma hed’a. Moise azi ki Josue djak a i tchol kur zlub’u d’a ngaf tad’a.

Ndumba 13:16

Wana ni simiyê suma Moise mi sunuzi á d’u ambasina. Mi tin Ose ma Nun goromina simina ala Josue.

Buzuk ka Abud’a 32:17

Ata yima Josue mi hum siwel la wü d’a suma a nga siweleta, mi de mi Moise ala: Siwela hayî ma durâ nga kur kangâ!

Ndumba 13:7

Ma ad’u andjafâ hi Isakar-rîna ni Jigal Josef goroma;

Ndumba 13:9

Ma ad’u andjafâ hi Benjamin-nina ni Palti Rafu goroma;

Josue 19:50

D’igi Ma didina mi he vuna na, a hum azì ma ngol ma mam minima, nala, Timnat-Sera yam ahinad’a hi Efraim-mba. Mi min azì ma ngol máma, mi kak kua.

1 Sunda Hamuleinid’a 7:27

Elisama mi vut Nun, Nun mi vut Josue.