Ndumba 13:22 - Bible azumeina

²² A hle lovot ta abo ma sutnid’a, a i gak a mbaza Hebron ata yima Ahiman, Sesai ki Talmai Anak groma a nga kuana. Hebron a minit ni bizad’a kid’iziya avok Sowan nda Ezipte-d’a.

Ndumba 13:22 Referans Kwoze

Sawal la giled’a 78:43

Azi mar yam ahle suma ndandal suma mi lazi avo Ezipte-na, kahle suma atchap suma mi lazi abagei kel avo Sowan-na.

Sawal la giled’a 78:12

Mi le sun nda atchapa avok abuyozi ngolo kur Ezipte abagei kel avo Sowan.

Isai 19:11

Suma nglo suma Sowan-na ni suma bei ned’a, suma ne suma de d’alâ hi Faron-na a nga de d’al ma lilid’a mi. Ni nana ba, sana adigagi mba mi ndak á de mi Faron ala: An ni suma ned’a gorozina an nandjafâ hi suma nglo suma adjeuna ge?

Isai 30:4

Le magi suma nglona a iya wa Sowan, le suma agi sunuzina a kala ni Hanes pî,

Suma ka sariyad’a 1:10

Suma hi Juda-na a i dur suma Kanan suma a nga kaka kur azì ma ngol ma Hebron ma a yum adjeu ala Kiriyat-Arba-na, a dur Sesai azi ki Ahiman ki Talmai mi.

Isai 19:13

Suma nglo suma Sowan-na ni suma lilid’a, suma nglo suma Memfis-sâ yazi b’laga. Ni azi ba, a nga vit Ezipte-na woyo.

2 Samuel 2:11

David mi tamula yam suma Juda-na avo Hebron bizad’a kid’iziya ki tilâ karagaya.

2 Samuel 2:1

Bugol ahle ndazina, David mi djop Ma didina ala: An i kur azì ma ngol ma Juda ma ding tu zu? Ma didina mi hulong dum ala: Ang iya! David mi djobom ala: An i ni lara ge? Ma didina mi hulong dum ala: Ang i Hebron.

Josue 21:13

A he Hebron mandjafâ hi Aron ma ngat buzuna ki yima huyogoma, nazì ma ngol ma suma a tchi matna a ngei tazi kuana, kazì ma Libina-na ki yima huyogoma,

Ndumba 13:33

Ami wami suma fuyogeina Anak groma nandjaf suma fuyogeina, ami golomi tami ni d’igi djera na avoroziya; azi tazid’a a golomi ni d’igi djera na avorozi mi.

Ndumba 13:17

Moise mi sunuzi á d’u ambas sa Kanan-nda, mi dazi ala: Agi igi ni ki lovot ta abo ma sutnid’a. Bugola, agi djagagi akulo yam ahuniyôna.

Ad’u Tinda 23:2

ti mit navo Kiriyat-Arba, nala, Hebron, ni yam andaga d’a Kanan-nda. Abraham mi min tam á tchi mad’amamba Sara, mi tchid’u.

Ad’u Tinda 13:18

Ata yi máma Abram mi hô zlub’u mamba, mba mi kak ad’u agu ma nglona hi Mamre ma nga Hebron-na, mi min yima ngal ahle suma ngat buzuna mi Ma didina kua.

Ndumba 13:28

Wani suma a nga kaka katna a ni suma sib’ika, azina ni nguid’a ki gulumun ma ad’eng ma ngunguna, azina kal ngola heî mi. Ami wami Anak groma ki irami mi.

Gat ta a hat á mbàd’id’a 9:2

Azi ni Anak grom suma fuyogei suma agi wagizina. Ni suma agi humugi a nga de kazi ala: Ni nge ba, mba mi tchol avok Anak groma ge na.

Josue 10:36

Josue azi ki azigar suma Israel-lâ a tchol Eglon, a i gak Hebron, a ndazì máma durâ.

1 Samuel 30:31

mi suma Hebron-na, ata yima ma lara ma David mi tit ki sum mama kua adjeuna.

2 Samuel 21:16

Jisbi-Benop gor ma Rafa-na, mi min á tchi David. Asap mamba aneget kal kilona hi kawei ma hleunina hindi, mi djin mbigeu d’a fiyak ka awilid’a furum mi.