Ndumba 11:8 - Bible azumeina

⁸ Israel-lâ a b’rau woi teteng á yomu, a lud’um mboze a dum mi, a yum kur deina, a lum fangasuna mi. Adjib’et mamba ni d’igi woî ma a lum ki mbulîna na.

Ndumba 11:8 Referans Kwoze

Buzuk ka Abud’a 16:31

Israel-lâ a yi te máma ala Manna. Mi hle tamî d’igi ir vud’agu koriyandrena na, mi ni hapa. Adjib’et mamba ni d’igi woî ma a lum ki mbul ayumina na.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Buzuk ka Abud’a 16:23

Moise mi dazi ala: Wana ni vama Ma didina mi de kama. Avin ni bur ma sabat ma tuk tad’a, ni sabat ma a tinim iram vam mi Ma didinina. Agi sorogi vama ndak á sorina, agi yagi vama ndak á yid’ina mi. Vama arâ, agi ngomogizi gak yorogo.

Jean 6:31

Abuyomi ngolo a te manna hur fulâ, d’igi a b’ir kur mbaktumba na ala: Mam hazi te ma tcholï akulona.

Ad’u Tinda 25:29

Wani bur tu, ata yima Jakob nga mi min te ma djivinina, Esau mi tcholï abagei ata yima nduwanda, mi seî heî,

Ndumba 11:7

Manna mi hle tamî d’igi ir vud’agu koriyandrena na, mi hle tamî d’igi bedeliyuma na.

Ndumba 11:9

Ata yima mbad’ïd’a nga d’i yak kä andjege kur kangîna, manna nga mi tchugï kä ki sed’et mi.