Nahum 3:3 - Bible azumeina

³ Suma djang akulumeina a nga i irazi avogo, mbuguyo suma fuyogeina a nga ka akud’a, asubiyona a nga wile, suma a duruzi mbuleinina a nga tchuka kä didi, mad’a suma mi sam kä mi ndak á ndumba d’i, suma a nga puk kä yam mad’a suma mi.

Nahum 3:3 Referans Kwoze

Habakuk 3:11

Afata ki tilâ a ar mungôra ata yazi abo b’od’a hi yeû manga ki djang matna, abo wiled’a hasap mangid’a mi.

Ezekiyel 39:4

Ang ki azigar mangâ pet kandjaf suma pet suma a nga zlapa ki sed’engâ, agi mba pugugi kä yam ahuniyô suma Israel-lâ. An mba ni mbud’ugi ni tena handjaf aluweinina teteng ki ma hambureinina mi.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Isai 34:3

Mad’azi mi nga tchuka kä andaga, mad’azi nga mi his hir, buzuwazi nga mi djangî kä ata ahinad’a mi.

Nahum 2:4

Mboriyona hi grang mazi suma djangûnina a ni hleud’a, grang suma durâ a tchuk baru d’a hleu d’a sisila atazi mi. Ata yima azi nga i á durîna, pus mazi ma dur ayîna nga mi wile wiwilik, a nga piget asubiyo mazina mi.

2 Amuleina 19:35

Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Ad’u Tinda 3:24

Kid’a mi digim mbei dad’a, mi tin tcherebêna abo ma yorogona hasine ma Eden-na ki mbigeu d’a fiyak ka siyat ngal d’igi sïna akud’a na d’a á ngom lovot ta i ata agu ma he arid’ina.

Sunda hi suma hi Levi-nid’a 26:37

A mba puk kä yam tazi teteng d’igi suma a ringî avok ayî ma durâ na, bei sa mi digizi ba. A mba tchol avok mazi suma djangûna d’i.

Isai 66:16

Ni kakud’a ba, Ma didina nga mi ka sariya mamba, nga mi ngop suma pet ki mbigeu d’a fiyaka. Ablaud’a a mba bo abo Ma didina.