Mise 6:10 - Bible azumeina

¹⁰ Na ni ndjondjoî d’a a fat ki mbut irid’a nga avo hi suma asa’atna tua zu? D’oze vama nga ahle ma a mbud’um gogora mala ni vama ndjendjed’a iran an Ma didina na mi nga tua zu?

Mise 6:10 Referans Kwoze

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.

Zla d’a d’ogolâ 20:10

Kilo ma nga ahlena ni vamu, angot ta nga ahlena ni vat mi, azi djak nahle suma ndjendjed’a ir Ma didina.

Zla d’a d’ogolâ 21:6

Suma a nga fe ndjondjoîd’a ki mbut irina ni suma lili suma nga hal matnina.

Zla d’a d’ogolâ 20:23

Anek ka nga d’a nga ata yat tuo d’a ni vama ndjendjed’a ir Ma didina, kilo ma hle ma nga ata yam mbuo na, mi nga ni vama djivi d’uo mi.

Zla d’a d’ogolâ 11:1

Kilo ma hle ma ata yam mbuo na ni vama ndjendjed’a ir Ma didina, wani kilo ma hle ma ata yama ni vama djivina iramu.

Zla d’a d’ogolâ 10:2

Ndjondjoî d’a a fat ki mbut irid’a zlat nga d’i, wani d’ingêra nga d’i prut sana woi avun matna.

Josue 7:1

Israel-lâ a le tchod’a ngola kahle suma a d’el kazi ala a yozi d’uo na. Sana tu ad’u andjafâ hi Juda-na a yum ala Akan mam mi Karmi ma Zapdi goromina goroma, abum ngolo ni Zera, mi yo ahle suma Ma didina mi d’el kazina. Ni kayam ndata ba, Ma didina hurum zal ngola yam Israel-lâ.

Sofoni 1:9

Kur bur máma an mba ni ngop suma a nga pir yam agu ma avun gongina ki suma a nga oî azina hi salazina ki ndjondjoî d’a murud’umba ki d’a mbut irina.

Mise 6:9

Ma didina nga mi de zlad’a mi suma a nga kur azì ma ngolîna. Sama ned’a ni sama ge yam kä ad’u ad’eng mambina. Agi suma ad’u andjafâ hi Juda-nina, agi suma pet suma nga toka kur azì ma ngolîna, agi humugiya.

Amos 3:9

Agi tchagi wala akulo yam azì ma amul ma Asdot-na, yam azì ma amul ma Ezipte-na ala: Agi togogi tagi akulo yam yima nding ma Samari-na, agi gologi siwel la gandjaud’a ki murud’um mba a nga lat ata tazid’a.

Zakari 5:6

An hulong ni dum ala: Ni me ge? Mi dan ala: Ni vama nga ahle ma tchod’a hi suma yam ambasina pet nga kuruma.