Mise 5:1 - Bible azumeina

¹ Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Mise 5:1 Referans Kwoze

Hor ma tchina 3:30

Ar mi mbut agozlom mi sama nga mi toma, ar suma a kragam ngula mi.

Wana ni mbaktumba hi Job-pa 16:10

A ngo vunazi woi atan á liginu, a nga ngulunu, a nga tumun agozlonu, a tok tazi kan mi.

2 Korente-na 11:20

Le sana mi lagi magomba, d’oze le mi yogi ahle magina, d’oze le mi b’ad’agi ahle magina kad’enga, d’oze le mi subur tam kagiya, d’oze le mi tumugi iragi pî, agi nga vagi tagiya.

Sunda hi suma a sunuzinid’a 23:2

Ananiyas ma ngol ma ngat buzuna, mi he vuna mi suma a nga tchola gevema ala a tumum vunamu.

Jean 19:3

Azi hut gevemu, a gum depa ala: Lafiya, amulâ hi Juif-fîna, a tom kaboziya.

Jean 18:22

Kid’a mi de hina dad’a, ma dingâ aduk suma a ngom yina suma a nga tcholina, mi tumum iramu, mi dum ala: Ang hulong zla d’a ded’a mi ma ngol ma ngat buzuna ni hina zu?

Matiye 26:67

Kayam ndata, a tuvom ayôna iramu, a tomu. Suma dingâ a tom kaboziya,

Isai 33:22

Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.

Matiye 27:30

A tuvom ayôna iramu, a ve heleu ndata, a wad’am ki yamu.

Matiye 5:39

Wani an nga ni dagiya, agi sagi atchugulugi ki sama nga mi lagi tchod’ina d’i, wani kala, le sana mi mbereng agozlong ma ndjufâ ni, ang mbud’um ma gulana mi.

Habakuk 3:16

An hum hina, wani vunadigan ndi pad’a. Kid’a an hum siwel ndatid’a, vunan nde zlaka, tan ndi tchuk susub’ok, asen mi nde zlaka kikib’i mi. An ni kak tchugot á djup bur ma ndak ma ang Alona mba ka sariyad’a yam suma a mba mba á lami tchod’ina.

Habakuk 1:6

Gola! An nga ni yï suma Babilon-na á te yam suma; ni suma asa’at suma lahlena bei djib’era ba na, ni suma a nga bine abozi yam ambasa á yo ambas sa nga ni mazid’a d’uo d’a.

Amos 2:3

An mba ni tchamul mazina woi adigaziya, an mba ni tchi mam suma nglona zlapa ki sed’em mi. An Ma didina ni de na.

Joel 3:9

Ar agi tchagi wala akulo mandjaf suma dingâ ala: Agi minigi tagi á dur ayîna, agi zlid’igi grang suma durâ akulo, ar azigar suma durâ pet a hud’ïya, a i dur ayîna.

Ezekiyel 24:2

Ang gor sana, ang b’ir bur ma inina kä. Amul ma Babilon-na nga mi ngui Jerusalem ini baba.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 8:9

Agi andjaf suma, agi eregi ad’ugi akulo, wani agi mba mbud’ugi mandarâ. Agi suma sä yam andagad’a dedeid’ina, agi tinigi humagiya, agi humugiya, agi minigi tagi á dur ayîna, wani agi mba mbud’ugi mandarâ.

2 Amuleina 24:2

Kayam ndata, Ma didina mi sunï azigar suma Babilon-na ki azigar suma Siri-na ki azigar suma Mowap-ma ki azigar suma Amon-na ata Jojakim á b’lak leu d’a Juda-d’a woi d’igi Ma didina mi de zlad’a avun azungeî mam suma djok vuna na.

1 Amuleina 22:24

Ata yi máma na wat, Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

Ad’u Tinda 35:19

Rachel ti mid’a; azi tozot avun lovot ta i Efrata-d’a, nala, Betelehem.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Gat ta a hat á mbàd’id’a 33:27

Alo ma ei adjeu dedeina ni yi mang ma ngeid’a; abom ma sib’ika, mi nga ki sed’eng ka hî yam andagad’a teteu; nga mi dik mang suma djangûna woi avorongû, nga mi he vuna ala: Ang dabazi woyo!

Suma ka sariyad’a 17:7

Gor azong ma ad’u andjafâ hi Levi-nina mi nga avo Betelehem mba yam andagad’a hi Juda-d’id’a.

Zla d’a d’ogolâ 8:23

Mi tinin an navok dedei, avok bei ad’u tinda handagad’id’a.

Isai 9:5

Kayam mba d’i vud’i gorâ, Alona mba mi hei gorâ. Mba mi tinim á te yamba, mba mi yum ala Ma suma a le atchap kama, Ma de d’alâ, Alo ma ad’engêm kal petna, Abu d’a didinda, Amulâ hi halasina.

Ezekiyel 21:32

An mba ni to kä woyo, an mba ni to Jerusalem kä woyo. Ahlena pet a mbut wa á djup mbad’a hi sama an mba ni hum sariya d’a kad’a aboma.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.