Mise 4:1 - Bible azumeina

¹ Kur atchogoi d’a nga d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma a mba i kua zuzuk.

Mise 4:1 Referans Kwoze

Jeremi 3:17

Kur bur máma a mba yi Jerusalem ala Zlamba hi Ma didinid’a. Andjaf suma lara ge pet a mba tok kurut ki simiyê Ma didina, a mba tit yam djib’er mazi d’a tcho d’a a so tazi kat ngingringa d’i.

Sawal la giled’a 22:27

Suma lulumana a mba të, a mba hoba; suma a nga hal Ma didinina a mba gilemu; ar va lazi d’i.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Sawal la giled’a 86:9

Salad’a, andjaf suma ang lazina pet, a mba grif kä avorongû, a mba suburung simiyêng mi.

Sunda hi suma a sunuzinid’a 2:17

Alona mi dala: Kur bur ma danana, an mba ni vo Muzuk mana yam suma pet. Grogi suma andjofâ ki suma aropma a mba djok vun Alona, azungeî magina ahlena a mba nde woi iraziya, momorogei magina adïd’a mba d’i dazi mi na.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Ezekiyel 43:12

Gat ta yam yina hi gong mandina ba wana: Yima akulo ma ngui ahina d’a fiyak ka ked’iwurengina pet ni yima a tinim iram vam ma kal tegles mi Ma didinina.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Zakari 2:11

Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Isai 54:2

Ndak hut ad’u zlub’u maka woi bubud’a, ar a b’er yam zlub’u maka woyo, ndak d’elezi d’uo, ndak ndirza ziyo ma’â woyo, ndak pe tcheble ma’â kä ad’enga ngingi.

Vama ndum mbeina 20:4

An we zlumiyô suma amula. Suma a nga kaka kazina a hazi ad’enga á ka sariyad’a. An we tad’a hi suma a ngad’azi yazi kayam a tchi wal zla d’a gagazi d’a Jesus mi ndat teid’a ki zlad’a hAlonid’ina. Ni azi suma a kud’or nga ambur máma ki vama a yoromzina d’uo na, ni azi suma a ve nga nomrod’a hambur mámid’a avorozi d’oze bigazi d’uo mi na. Azi tchol akulo, a nga karid’a á te leud’a ki Christ bizad’a dubu.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Hebre-na 1:2

Wani kur atchogoi d’a dabi d’a tchetchem wanda, mi dei zlad’a navun Goroma, ni Ma mi tinim yam ahlena petna, mi landagad’a ni ki mam mi.

Daniel 7:27

Leud’a, yam mba ted’a ki ngola hi suma kur leu d’a yam andagad’a ka hid’a pet, a mba hat mi suma Ma sä akulo ma kal teglesâ mi tinizi irazi vazina. Leu mam mba ted’a ni leu d’a gak didinda. Suma te yamba pet a mba lum sunda, a mba ge yazi kä avorom mi.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Daniel 7:18

Wani suma ma sä akulo ma kal teglesâ mi tinizi irazi vazina a mba hle leud’a, a mba te leud’a kur atchogoi d’a lara ge pet gak didin.

Daniel 7:14

Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.

Daniel 2:35

Ata yi máma kawei ma wurana, lubu ma ab’lorina, kawei ma hleuna, kawei ma hapma ki lora zla tazi pet a mbut d’igi guguma na mi, simetna mi felezi woi d’igi suma a sir awuna kur ambid’a’â awali na, simetna mi i ki sed’ezi bei wazi yazi ma a i kuana ba. Wani ahina d’a ti nde yam vama a tchet mámid’a, ti mbut ahina d’a fiyak ka ked’iwurenga, ti oî yam andagad’a pet.

Daniel 2:28

Wani Alo ma akulona ni ma nde ad’u ahle suma mudurina woi abuna. Ni mam ba, mba mi tagang ad’u ahle suma a mba le kur atchogoi d’a mba d’i mbad’ina. Adï d’a danga kahle suma a nde tazi woi irang yam azang mangîna ba wana:

Ezekiyel 40:2

Ata yi máma vana nde tam mbei iran mi hlan mi in yam andaga d’a Israel-la sä hî, mi tinin kä yam ahina d’a fiyaka ka ked’iwurenga. Ata abot ma sutna an we gongîyona a nga minda teteng d’igi azì ma ngolâ na.

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Jeremi 48:47

Ma didina mi dala: Wani an mba ni hulongî ki suma Mowap suma a yozi magombina kur atchogoi d’a dabid’a. Wana ni sariya d’a kad’a an kat yam suma Mowap-mid’a.

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Isai 43:6

An mba ni de mi suma abo ma norâ ala: Agi handjiya! An mba ni de mi suma abo ma sutna ala: Agi d’elezi kä d’i! Agi mbeyegï ki gron suma andjof suma sä deina ki gron suma arop suma sä avun dabid’a handagad’ina mi.

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Ad’u Tinda 49:1

Jakob mi yï grom suma andjofâ gevemu, mi dazi ala: Agi togogïya! An dagi yam ahle suma a mba mba kagi ndjivina.

2 Pierre 3:3

Ar agi wagi woi avok tua, kur bur ma danana suma las suma a mba mba á las suma, a mba tit kur d’od’oka hi hliu tazid’a kur min mazid’a.

Daniel 10:14

Ki tchetchemba, an mba nala ang wäd’u ahle suma a nga mba yam sum mangâ kur atchogoi d’a nga d’i mbad’ina d’a. Kayam vama nde tam mbei irang máma mi de zlad’a yam vama nga mi mbana.

Daniel 7:22

gak ma bizei ma dedeina mi mba á ka sariya d’a d’ingêra hi suma ma sä akulo ma kal teglesâ mi tinizi irazi vazina, gak kur bur ma suma a tinizi irazi vazina a te leud’ina.

Sawal la giled’a 48:1

Ni sawal la Kore groma a hlata.

Isai 56:7

an mba ni mbazi yam ahina man nda an tinit irat vata, a mba le furîd’a kur gong man nda tchenda mi. He mazi d’a hawa d’a ngala kahle mazi suma ngat buzuna a mba mbut nahle suma his suma afufuîna yam yi man ma ngal ahle suma ngat buzuna, kayam a mba yi gong manda ala Gong nga tchen nda yam suma peta.

Jeremi 26:18

Mika ma Moreset-na mi djok vuna kur atchogoid’a hi Ezekiyas amul ma Juda-nid’a, mi de mi suma Juda-na pet ala: Ma didin ma ad’engêm kal petna mi dala: A mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Jeremi 31:12

Azi mba mba yam yima nding ma Siyon-na ki sawal la furîd’a, tazi mba d’i lazi djivid’a yam ahle suma a mba fazi abo Ma didinina, nala, gemena, süm guguzlu d’a awilid’a, mbulâ, tumiyôna, b’ogeina kamuzleina mi. Azi mba mbut ni d’igi asine ma a nga rabam mbinina na. Va mba mi mbud’uzi mandar bugol luo d’a.

Zakari 14:10

Ambasa ki zla tat pet mba d’i mbut ni d’igi fula na, tcholï Giba dei gak mba Rimon abo ma sutna hi Jerusalem-ma. Jerusalem mba d’i arî ata yat akulo kal yima nguyutna pet. Ti mba d’i tinï ad’ud’a avun agre’â hi Benjamin-na dei gak mba avun agrek Ma adjeuna, gak mba ata yima vun agre’â mi kong kuana, tinï ad’ud’a ata gong nga fiyak ka ndjola hi Hananel-la dei gak mba ata yima a miret guguzlud’a hamulîd’a kuana.