Mise 3:7 - Bible azumeina

⁷ Suma wahle suma a nga mbana a mba mbut zulona, suma djop fileina a mba mang ngeyo, a mba tin abozi avunaziya, kayamba Alona mi hulongôzi nga humba d’uo d’a.

Mise 3:7 Referans Kwoze

Zakari 13:4

Kur bur máma suma djok vuna a mba le zulona á djok vuna woi yam ahle suma a nde tazi woi irazina, a mba tchuk baru d’a ngol la tumusa á mbut ir suma d’uo d’a.

Isai 44:25

An nga ni b’lak ahle suma taka hi suma djok vun suma ka zlad’a woyo, an nga ni mbut suma djop fileina lilid’a, an nga ni hulong suma ned’a bugolo, an nga ni mbud’uzi we mazid’a lilid’a mi.

Amos 8:11

Salad’a Ma didina mi dala: Burâ nga mi mba, kur bur máma an mba ni sunï baktarad’a kur ambasa, meid’a mba d’i tchi suma, wani ni yam tena d’i. Vunazi mba mi so, wani ni yam mbina d’uo mi. Wani mei d’a mba d’i tchi sumid’a ki vun ma so ma mba le sumina ná hum zla d’a ndavunan an Ma didinid’a.

Ezekiyel 24:17

Ang oî ni kä kurung krovo, ang yor tang yam matna d’i, ang d’ut kadamul manga kangû, ang tchuk atuguru mangâ asengû, ar ang d’ut dudumang ngei d’i, ar ang tavu ma a yum yam matnina d’uo mi.

1 Samuel 28:6

Saul mi djop Ma didina. Ma didina mi hulongôm nga humba kur adïd’a d’oze ki Urima d’oze avun suma djok vuna d’i.

Sunda hi suma hi Levi-nid’a 13:45

Sama libina nde atama mi tchu’î baru ma haûd’a atamu, mi ar yam mbei hawa. Mi d’ut dudumam mbeyo, mi er ad’um akulo ala: An mbut ndjendjed’a! An mbut ndjendjed’a!

Mise 7:16

Andjaf suma ki sib’ik mazid’a hina pet pî, a mba we, a mba mbut zulona, a mba tin abozi avunaziya, humazi mba d’i ngel lei mi.

Ezekiyel 24:22

Ata yi máma agi mba lagi d’igi Ezekiyel mi le na. Agi mba d’ud’ugi dudumagi woi d’i, agi mba tagi avu ma a yum yam matnina d’uo mi.

Sawal la giled’a 74:9

Ami wami nga vama tak mala ang nga ki sed’emiya na d’uo d’a, ma djok vun mang nga d’uo d’a. Sama adigami ma wala ahle ndazina, a mba le ni gak mindja ge na nga d’i.

1 Samuel 28:15

Samuel mi de mi Saul ala: Ni kayam me ba, ang b’lagan hurun ang ndanï woi akulo ge? Saul mi hulong dum ala: An nga kur djib’er ra ngola, kayam suma Filistê-na a ndan ayîna. Alona mi wal lei ki sed’enu, mi hulongôn nga humba avun suma djok vun ndoze kur adïd’a d’i. Ni kayam ndata ba, an yang ala ang tagan vama ndak á led’ina.

1 Samuel 14:37

Kayam ndata, Saul mi djop Alona ala: Djivid’a an i ata Filistê-na zu? Ang mba hazi abomi zu? Wani kur bur máma Alona mi hulongôm nga humba d’i.

1 Samuel 9:9

(Adjeu aduk Israel-lâ, le sana mi i djop Alona ni, nga mi dala: Ei i gen sama wed’a; ni ma a nga yum ini ala ma djok vun Alona na, ni ma adjeu a yum ala ma wed’a na.)

Buzuk ka Abud’a 9:11

Suma kuma suma Ezipte-na a ndak á mba avok Moise suo kayam mbuleina nga atazi d’igi Ezipte suma petna na mi.

Mise 3:4

Kayam ndata, fata agi tchigi yam Ma didinid’a, mam mba mi hulongôgi humba d’i, mba mi hagi azigam ata yi máma yam sun nda tcho d’a agi lata.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.