Mise 3:11 - Bible azumeina

¹¹ Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 3:11 Referans Kwoze

Jeremi 6:13

Kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Isai 1:23

Mang suma nglona a mbut suma bei hum vuna, a ndjak vunazi tu ki suma kula. Azi pet a min ni he d’a hawa d’a mbut ira, azi nga ring bugol wuraka, azi nga ka ir zlad’a hi ma hokuyod’id’a d’i, azi nga djib’er yam zlad’a hatcha d’a modonod’id’a d’uo mi.

Mise 3:5

Wana ni zla d’a an Ma didina ni dat yam suma djok vun suma a nga vit sum mana woina: Le a nga ki hliuna avunaziya ni, a nga dala: B’leng nga halasa nga. Wani a nga dur ayîna ki suma a hazi nga va avunazi d’uo na.

Jeremi 7:4

Ar agi tinigi hurugi yam zla d’a de d’a mbut ira ala: Gong nga kud’ora hi Ma didinid’a ti kä wana, gong nga kud’ora hi Ma didinid’a ti kä wana, gong nga kud’ora hi Ma didinid’a ti kä wana d’a d’i.

1 Pierre 5:2

Agi pologi ades tumiyôna hAlona ma mi hagizi abogina. Agi ngomom ki hur ma djivina d’igi Alona mi min na, wani ni kad’enga d’i. Ar agi lagi sun magid’a á fe beged’a d’i, wani ni kur min magid’a.

Wana ni mbaktum mba Paul mi b’irit mi Tit-ta 1:11

Mbeî ang d’eleziya, kayam a nga b’lak sumazina ablaud’a, a nga hat ahle suma ata yazi d’uo na á fe mbiyo ma mbut ira.

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Isai 48:2

Agi suma tagi nga lagi zlezleû ala a yagi ala: Agi ni suma kur azì ma ngol ma a tinim iram vama na, agi suma dengêgi tagi yam Alona hi Israel-lâ ma a yum ala Ma didin ma ad’engêm kal petna na, agi humugiya.

Jeremi 8:10

Ma didina mi dala: Kayam ndata, an mba ni hamiyôzina mi suma dingâ, an mba ni hasinezi mi suma a yozina, kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

1 Samuel 8:3

Wani groma a nga tit d’igi abuzi na d’i, a nga le d’od’ok beged’a, a nga ve he d’a hawad’a gumun abo suma á ka sariya d’a ata yat tuo d’a.

Ndumba 16:15

Moise hurum zal ngola yam zla ndata, mi de mi Ma didina ala: Ang ve he d’a hawa mazid’a abozi d’i. An hle nga va mazi d’i, koro tu pî an ve nga d’i, an lazi nga vama tcho yan tu d’uo mi.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

1 Timote 3:3

Ni ma bei gurut ki süma, ni ma bei to sana, ni ma halasâ, ni ma bei le huneîd’a, ni ma bei le yam beged’ina mi.

Amos 9:10

Suma pet suma a le tchod’a aduk sum mana suma a nga dala: Ndaka mba d’i mba kami d’i d’oze mba d’i domi d’uo mi na, a mba tchazi avun ayîna.

Wana ni mbaktumba hi Oze-d’a 4:18

Ata yima abozi mi dap tche mazid’ina, a he tazi á le gaulangâ, amulei mazina huruzi mi ve nahle mazi suma zulona mi.

Isai 56:11

Azi nadurei suma d’od’ok suma a nga hop ki va d’uo na, azi ni suma pol suma bei wäd’u zlad’ina, azi pet nge nge pî, mi hle ni lovot mamba, nge nge pî, mi halî djivi d’a yam mam tambid’a mi.

Matiye 3:9

Ar agi djib’eregi kurugi ala Abraham nabui ngolo hina d’i, kayam an nga ni dagi woi mbak Alona mi ndak á mbut ahuniyô suma wana grona mi Abraham.

Malatchi 1:10

Ma didin ma ad’engêm kal petna mi dala: Agiya, ni nge adigagi ba, mba mi duk vun gong man nda kud’ora akulo tala agi ngalagi akud’a yam yi man ma ngal ahle suma ngat buzuna hawa yak kuo d’a ge? Tan nga d’i lan djivid’a kagi d’i. An min ve he d’a hawa magid’a abogi d’i.

Sofoni 3:3

Suma nglo suma kuruma a ni d’igi azlo ma nga mi to breîd’ina na, mam suma ka sariyad’a a ni d’igi ngû ma mi nduwan fladege ma nga mi ar va akulo gak yorogo d’uo na na.

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Zla d’a d’ogolâ 17:23

Sama asa’atna mi ve ni he d’a hawa d’a gumunda á b’lak sariya d’a d’ingêra woyo.

Isai 5:23

Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Jeremi 23:17

A nga de mi suma a golon isâ bei mandarâ ba ala: Ma didina mi dala: Agi mba kagagi ki halasa, a nga de mi suma a nga tit kur djib’er mazi d’a yam mba ad’eng nga kuruzi krovod’ina ala: Ndak tu pî mba d’i fei d’i!

Jeremi 26:7

Suma ngat buzuna, suma djok vuna ki suma hawana pet a hum zla d’a Jeremi mi dat kur gulumuna hi gong nga kud’ora hi Ma didinid’a.

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Wana ni mbaktumba hi Oze-d’a 4:8

Ahle suma ngat buzu suma sum mana a nga hazi yam tcho mazid’ina a mbut ni te mazina. Ni kayam ndata ba, a min ala sum mana a i avogovok kur tcho d’a led’a!

Amos 5:14

Agi halagi ni djivid’a, agi halagi ni tchod’a d’i. Hina wani, va mba mi lagi d’i. Ma didina Alo ma ad’engêm kal petna mba mi kak ki sed’egi d’igi agi dagi na.

Malatchi 2:9

An mba ni gologi is, an mba ni mbud’ugi d’igi vama ndak kuo na na avok suma pet, kayam agi ngomogi nga lovot manda d’i, agi kagagi ni ir suma go ata yima agi nga vazi ad’u gat mandina.

Ndumba 22:7

Suma nglo suma Mowap-ma ki suma nglo suma Madiyan-na a iya, a yo he d’a hawad’a abozi mi sama djopa, a mbaza gen Baläm, a dum zlad’a hi Balak-ka.

Jeremi 5:12

Suma Juda-na a tin vunazi yam Ma didina, a dala: Mi nga d’i. Ndaka nga d’i mba kei d’uo d’a, ei mba wei ayî ma dur roze baktarad’a d’uo mi.

Sofoni 3:4

Mam suma djok vuna a ni suma tit mazid’a nga ata yat tuo na, a ni suma mbut ira mi. Mam suma ngat buzuna a nga mbut ahle suma a tinizi irazi vazina ndjendjed’a, a nga tchila yam gata mi.