Mise 3:1 - Bible azumeina

¹ Mise mi dala: Agi andjafâ hi Jakob ma avok sumina, agi suma ka sariya suma Israel-lâ, an nga ni dagiya, agi humugiya. Ni agi ba wagi sariya d’a ka d’a d’ingêra d’uo zu?

Mise 3:1 Referans Kwoze

Wana ni mbaktumba hi Oze-d’a 5:1

Ma didina mi de kua ala: Agi suma ngat buzuna, agi humugiya, agi suma avok Israel-lîna, agi tinigi humagiya, agi suma avo hamulîna, agi humugiya, kayam sariya d’a ka ndata ni kagiya, kayam agi mbud’ugi ni dau ma yam sum manina avo Mispa, agi mbud’ugi nabei d’a gunda kä yam sum manid’a yam ahina d’a Tabor-ra,

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

1 Korente-na 6:5

An dagi hina kayam zulona mi lagiya. Agi nga ki sama ne ma ndak á ka ir sariyad’a hi b’oziyomid’a d’uo zu?

Amos 4:1

Agi arop suma Samari suma nga dub’aragi d’igi amuzlei suma arop suma Basan-na na na, agi suma nga lagi suma kid’aka murud’umbina, agi suma nga mired’egi suma houd’a kä, agi suma nga dagi mandjuvuyogi ala: Agi yogiya, ei tcheya na, agi humugi zla d’a an nga ni data.

Sawal la giled’a 14:4

Ma didina mi dala: Na ni suma le tchod’a a nga wad’ud’a d’uo zu? Azi nga te sum mana d’igi azi tavuna na, azi nga yan simiyên ndi.

Gat ta a hat á mbàd’id’a 16:18

Moise mi de kua ala: Agi tinigi suma ka sariyad’a ki suma nglo suma kazina hur azì ma lara ge pet ma Alo magina mba mi hagizina ad’u andjavagiya. Azi ka sariyad’a hi sumid’a ni ki d’ingêra.

Ezekiyel 9:9

Mi dan ala: Tchod’a hi Israel-lîd’a ki d’a hi suma Juda-nid’a, ti kal ngolâ heî. Ambasa ti oî ki suma tchi matna, azì ma ngolâ mi oî ki batranga mi. Kayam azi nga dala: Ma didina mi ar wa ambas sa wanda woyo. Ma didina nga mi we d’i.

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Mise 2:13

An ma mba ni mal lovotina mba ni tit avorogiya, agi mba malagi lovota á i avun agre’â, agi mba buzugugi woi abua. An Ma didina amul magina mba ni tit avorogiya.

Nehemi 13:17

An ngop suma nglo suma Juda-na, an dazi ala: Agi lagi ni suna me d’a tcho d’a hina d’a á b’lagagi ki bur ma sabatna na ge?

Isai 10:2

á tos lovot ta ka sariyad’a woi ir suma hohoud’id’a, á b’lak sariya d’a d’ingêra hi man suma hohoud’ina, á mbut arop suma modonod’a te mazina, á mbut suma hokuyod’a va mazi ma hurumba mi na!

Ezekiyel 22:6

Gola! Suma nglo suma Israel suma kurungâ pet nge nge pî nga mi dap ad’engêm mbei á tchi matna.

Ezekiyel 34:3

Agi tchagi tumiyô suma d’orâ, agi tagi mbuluziya, agi tchugugi tumuzuzi atagiya, agi nga pologi tumiyôna d’i.

Amos 6:1

Ni zla d’a hohoud’a yam agi suma nga kaka halas kur Siyon-na, yam agi suma nga kaka tchugot yam ahina d’a Samari-d’ina mi. Agi ni suma avok andjaf suma ma Israel-lâ a nga i gevem á hal ndjundina!