Mise 2:1 - Bible azumeina

¹ Ni zla d’a hohoud’a yam suma a nga nga huruzi andjege á le tchod’ina. Ata yima yina fona, azi ndak vun tcho mazi ndata ata yima azi nga kad’enga abozina.

Mise 2:1 Referans Kwoze

Sawal la giled’a 36:4

Zla d’a de d’a ndavunamba ni zla d’a kad’a ki lop ira, ne d’a tinim á le sun nda djivid’id’a, mi wal tam mbei ki sed’ed’u.

Isai 32:7

Sunda hi suma mbut irid’a ni sun nda tchod’a, a nga nga huruzi á le tchod’a á ba suma hohoud’a woi ki zla d’a kad’a. Sama houd’a zla mamba ti le ni ki djivid’a ko, a b’lagat teyo.

Nahum 1:11

Ang azì ma ngol ma Ninif-fâ, sama mi nga mi de zla d’a tchod’a yam Ma didinina nga mi ndeï kurungû, ni ma mi nga ki nga hur ma hawa ya’îna.

Romê-na 1:30

suma kulo’â, suma a kak djangûna kAlonina, suma asa’atna, suma yam mba ad’enga ki suma subur tad’a. Azi nga hal lovot ta awilid’a á le tchod’a, a nga hum vun simiyêzi d’uo mi.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Isai 59:3

Kayam abogi mi mbut ndjendjed’a ki buzuna, agi tchagi suma kabogiya, agi nga dagi zla d’a kad’a ki vunagiya, sinagi nga d’i par papar á ngul suma mi.

Zla d’a d’ogolâ 4:16

Kayam le a le nga tchod’a d’uo ni, a nga bur sen ndi; le a b’lak nga sa d’uo ni, sen nga mi vazi d’uo mi.

Zla d’a d’ogolâ 3:27

Ata yima ang ndak á le vama djivina mi suma a ndak á lazizina, ang ar bei lazizi d’i.

Ad’u Tinda 31:29

An ndak á lagi va, wani Alona habungâ mi dan kama andjege ala: Ang gol tang djiviya, ang de vama djivi d’oze vama tcho mi Jakob pi.

Sunda hi suma a sunuzinid’a 23:12

Kid’a yina mi fo dad’a, Juif-fâ a tok taziya, a gun tazi ala azi mba te d’oze tche va d’i gak azi tchi Paul mbeî tua.

Jean 19:11

Jesus mi hulong dum ala: Ladjï Alona mi hangzi ni mam mbuo ni, ang nga kad’enga kan ndi. Kayam ndata, sama han abongâ, mi kalang ki tchod’a.

Gat ta a hat á mbàd’id’a 28:32

Grogi suma andjofâ ki grogi suma aropma, a mba yozi a hazi mandjaf suma dingâ kä iragiya. Iragi mba d’i kau abo gol la ala a mba hulongôzi zi ge d’a, wani ad’engêgi mba d’i dap pei abo gola mi.

Sunda hi suma a sunuzinid’a 23:15

Kayam ndata, agi zlabagi ki suma nglo suma b’ak zlad’a pet, agi sunugi gen ma ngolâ hi azigarîna, mi mbeyegï Paul. Agi dum ala agi minigi á fek ad’u zla mamba fek ka kala. Avok bei mam mbaza hî d’a, ami tami minimi tami á tchum aduk glovod’o.

Zla d’a d’ogolâ 12:2

Sama djivina, Ma didina nga mi wum hohowomu, wani Ma didina nga mi ka sariyad’a yam sama mi nga ki djib’er ra tchod’a kuruma.

Wana ni Zla d’a Djivi d’a Luc mi b’irita 20:19

Ata yi máma, nglo suma ngat buzuna azi ki suma hat gata a hal á ve Jesus, kayam azi wala mi de zla d’a d’ogol ndata ni kaziya, wani azi le mandara suma.

Marik 15:1

Ki yorogo tcholola, nglo suma ngat buzuna azi ki suma nglona ki suma hat gata ki suma b’ak zlad’a ki zlazi pet a ndjak vunazi tu. Azi djin Jesus, a im a hum abo Pilat.

Ezekiyel 11:2

Ma didina mi dan ala: Ang gor sana, sum ndazina ni suma a nga hat tcho d’a led’a, a nga de gat ta tchod’a mi suma kur azì ma ngol ma wanina.

Ester 9:25

Wani ata yima Ester ti tchol avok amulîna, amulâ mi he vuna kur mbaktumba ala: Ar tcho d’a Haman mi ngat kurum á lat mi Juif-fîd’a ti hulong kamu, a gabam akulo ata aguna, mam ki groma mi.

Ester 5:14

Ata yi máma amamba Zeres ki buniyôma pet a dum ala: Ang min aguna fiyagam mba akulod’a metred’a dok mbà yam vahl. Ndjivin yorogo ang djop amulâ kayambala ang gap Mardose akulo kua d’a. Hina wani, ang mba i ata yima te ma luna kamulâ ki furîd’a. Zla ndata le Haman tam djivid’a, mi min aguna mi.

Ester 3:8

Haman mi de mamulâ Asuwerus ala: Andjaf suma dingâ a nga. A b’rau nga woi aduk suma kur ambas mangina pet, gat mazid’a ni vat zenen ki d’a hi suma pet, a nga tit yam gat manga d’uo mi. Le ang arazi hawa na ni, djivi mata ni me ge?

Wana ni mbaktumba hi Job-pa 24:14

Ma tchi matna nga mi tchol akulo ki pipira á tchi suma houd’a ki suma kid’aka woyo, mi kul andjege mi.

Zla d’a d’ogolâ 14:22

Suma a nga djib’er á le tchod’ina a vit ni tazi woi d’uo zu? Suma a nga djib’er á le djivid’ina a le ni sun nda djivid’a ki gagazid’a.

Isai 29:20

Kur bur máma sama te yamba kad’engina nga d’uo d’a, sama las suma nga d’uo mi. Suma a le suma tchod’ina, suma a nga ka sariyad’a yam sana ki zla mazi d’a ded’ina, suma a nga gun dauna kä ata yima ka sariyad’a á kal sama d’ingêrâ kur ndakina, a mba tchazi woyo.

Ezekiyel 33:26

Agi dengêgi tagi ni yam ahle magi suma sïna, agi nga lagi sun nda ndjendjed’a, agi nga lagi mizeuna karopma hi ndroginina mi. Ni nana ba, agi mba hlagi ambasa djona ge?

Ezekiyel 38:10

Salad’a Ma didina mi dala: Kur bur máma ang mba djib’er djib’er ra dinga teteng, ang mba nga hurung á le vama tchona.

Ezekiyel 46:18

Amulâ mi ndak á hlandagad’a abo sum mama d’i. Andaga d’a mi hat mi goromid’a, nandaga d’a a humzi djonid’a mbeî. Hina wani, mba mi fe lovota á dik sa man ndei yam andaga d’a a humzi djonid’a d’i.

Mise 6:12

Suma ndjondjoî suma kur azì mámina huruzi mi ni oîd’a ki murud’umba, suma a nga kaka kuruma a ni suma ka zlad’a, sinazi ti de ni zla d’a mbut ira.

Zakari 7:10

agi kid’eyêgi ir atcha d’a modonod’a d’oze ma hokuyod’a d’oze angeina d’oze ma houd’a d’i, agi lagi tagi tchod’a d’uo mi d’a.

1 Amuleina 21:7

Amamba Jezabel ti dum ala: Ki tchetchemba, ni ang ba namul ma Israel-lâ d’uo zu? Ang tchol akulo ang të; ar hurung b’lenga. Ni an ba ni hang asine ma guguzlud’a hi Nabot ma Jisreyel-lâ!

Wana ni mbaktumba hi Job-pa 15:35

Le a ve wira tchod’a ni, a vut ni ndaka, huruzi krovo mi halî mbut ira.

Sawal la giled’a 36:5

Nga mi djib’er yam mbut ira ata yam ma burâ, mi nga kaka kur lovot ta ata yat tuo d’a, nga mi wal lei ki tcho d’a led’a d’uo mi.

Sawal la giled’a 58:3

Hawa yak! Ni kur min magid’a ba, agi nga lagi tchod’a, agi nga lagi tcho d’a tchi matna kur ambasa mi.

Isai 3:14

Nga mi ka sariyad’a yam mam suma nglona, yam suma avok sumina, nga mi dala: Agi b’lagagi guguzlud’a woyo, ahle suma agi hurumuzi abo suma houd’ina a nga avo hatagi mi.

Isai 5:8

Ni zla d’a hohoud’a yam suma a nga nga ad’u azina woi avogovok suma a nga vasinena avogovok gak sa nga mi fe yina hina nde d’uo na tala azi fe yima kaka kur ambasa ni azi go d’a.