Mise 1:7 - Bible azumeina

⁷ Filei mam ma tcheta mba mi kus seyo, he d’a hawa d’a mi fata, a mba tchugut aduk akud’a. An mba ni to alo mam ma tcheta woi kikizek, kayam mi gus ahle mam ndazina pet ni ki bege d’a gaulangâ, bege ndata a mba hulong wurak gaulang ma dingâ ki sed’et mi.

Mise 1:7 Referans Kwoze

Gat ta a hat á mbàd’id’a 23:18

Ar agi mbagi ki he d’a hawad’a hi gaulangîd’a d’oze bege d’a a hat yam adinid’a kur gong nga kud’ora hi Ma didina Alo maginid’a á ndak vun vun ma hle ma lara ma sana mi hluma d’i, kayam azi djak nahle suma ndjendjed’a avok Ma didina Alo magina.

Wana ni mbaktumba hi Oze-d’a 2:12

Ki tchetchemba, an nga ni fogot baruna woi atat ir buniyôtna, sama mba mi sud’ut abona nga d’i.

Vama ndum mbeina 18:3

Kayam andjaf suma yam andagad’ina pet a tche süm mat ma tcho ma mizeuna. Amulei suma yam andagad’ina a le mizeuna ki sed’ed’u, suma mbut abozi suma yam andagad’ina a mbut suma ndjondjoîna ki djivi mata.

Wana ni mbaktumba hi Oze-d’a 8:6

Wani amuhl ma agi yoroma ni sun nda sama d’alâ mi lata, nga nalona d’i. Ni kayam ndata ba, a mba to amuhl magi máma woi kikizek.

Vama ndum mbeina 18:9

Amulei suma yam andagad’a suma a le mizeuna ki sed’et kur djivi matina, a mba tchiya, a mba yor tazi kad’u, ata yima azi mba we andosâ haku d’a nga d’i ngalatina.

Joel 3:3

Azi le togina yam sum mana, azi he gor mandjufâ yam gaulangâ, azi gus gor weid’a süm guguzlud’a á tched’a.

Wana ni mbaktumba hi Oze-d’a 2:5

Le d’uo ni, an mba ni fogot baruna atat tei pet, an mba ni arat gandilad’a d’igi ndat ti vud’ï kä adjeu na, an mba ni mbud’ut andaga mata hur ful ma so ma gangrasâ, an mba ni tchat tei ki vun ma sod’a mi.

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

2 Sunda Hamuleinid’a 31:1

Kid’a abozi mi dap le vun tilîd’a, Israel-lâ pet suma a nga ata yi mámina, a i kur azì ma Juda-na, a i to ahina d’a nga tchola gongzonga woi pet, a to gonga halo d’a a yat ala Asera-d’a woi pet, a pleî yima nding ma a tuwal fileina kuana woi pet ki yi mam ma ngal ahle suma ngat buzuna pet. A le hina kur andaga d’a Juda-d’a pet, kur andaga d’a Benjamin-nda ki d’a Efraim-mba ki d’a Manase-d’a. Bugola, nge nge pî, mi i avo hatam kur aziyamu.

Gat ta a hat á mbàd’id’a 9:21

An hle gor amuhl ma lor mala ni sun nda tcho d’a agi lat kabogid’a na, an ngalam mbei kakud’a, an lud’um mbei gak ni mbud’um butna, ni tchugum mbei aduk mbiyo ma nga mi djangî kä yam ahinad’ina.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

1 Samuel 5:4

Ndjivin nda mbàd’a azi we Dagon puk kä kua andaga avok zandu’â hi Ma didinina, huyogom arî mam go, kayam yam azi kabom kus seyo, a nga tchuka kä ata agu ma avun gongina.

Isai 2:18

Fileina ki zlam pet mba mi dap peyo.

Isai 23:17

Kur dabid’a hi biza d’a dok kid’iziyad’id’a, Ma didina mba mi mba á mal lovota mi Tir. Ti mba d’i hulong kur sun mat ta ndjendjed’a, ti mba d’i le gaulangâ ki leu d’a yam andagad’a ka hina pet.

Ezekiyel 6:6

Agi Israel-lâ, ata yima lara ma agi mba kagagi kuana, a mba b’lagagi azì magi ma nglona woyo. Yi magi ma ngal ahle suma ngat buzu ma tetengâ mba mi ar djona, filei magi ma tetengâ mba mi b’lak keyo, filei magi ma tetengâ mafata a mba tom kä woyo, sun magi d’a teteng nga agi lat kabogid’a mba d’i dap pei mi.

Wana ni mbaktumba hi Oze-d’a 2:14

An mba ni kizagat guguzlu mata ki tulumei mat suma ndat nga d’i dala: Wana ni wurak ka buniyôna a handji á ted’a d’a woyo. An mba ni ndjoyôzi woi aduk agud’a, azurei suma abageina a mba taziya.

Wana ni mbaktumba hi Oze-d’a 8:5

Ma didina mi dala: Agi suma Samari-na, agi togi amuhl magi ma yora woyo, kayam agi zalan hurun ngola. Ni mindja ba, agi mba kagagi suma bei zlad’a kagina ge?