Mise 1:14 - Bible azumeina

¹⁴ Kayam ndata, agi mba walagi tagi woi ki suma Moreset-Gat-na. Suma Aksip-ma a mba mbut ni vama mbut ir amulei suma Israel-lâ.

Mise 1:14 Referans Kwoze

Josue 15:44

Keila, Aksip ki Maresa. Azì ma nglona ni zlengâ kazì mazi ma gureina mi.

2 Amuleina 16:8

Ata yi máma mi yo kawei ma hapma ki lora suma a nga kur gong nga kud’ora hi Ma didinid’ina ki suma a nga kur gong nga ngom ndjondjoî d’a kur azì ma amulid’ina, mi sunuzi he d’a hawad’a mamul ma Asiri-na.

Jeremi 15:18

Ni kayam me ba, ndak manda nga d’i i avogovok ke? Ni kayam me ba, mbil man ma bei tchila ba na mi min tchil luo ge? Ang mba mbut kan ni d’igi mbiyo ma lau ma lobon irana na, d’oze d’igi mbiyo ma lau ma sa nga mi tin hurum kam mbuo na na zu?

Isai 30:6

Gola! D’uwarâ nga mi i kahlena huyogom sirad’a kur lovot ta i abo ma sutnid’a. A nga tit kur yima hohoud’a ki yima ndaka. Ni yima azlod’a kazlona ki mageid’a ki dragon ma pira nga kua na. A nga zi ahle suma ndjondjoîna ki korona ki djambala mi suma a ndak á le vama djivi mi suma d’uo na,

Sawal la giled’a 62:9

Agi suma, agi tinigi hurugi kam kur atchogoi d’a lara ge pet, agi dagizi zla d’a kurugid’a, kayam mam mi yi mei ma ngeid’a. Tchol ndjö

2 Samuel 8:2

David mi dur ayîna ki suma Mowap-ma, mi kus kaziya, mi ndjarazi burâ kä andaga, mi ngazi ki ziyona nga nga hindi, mi tchi suma kur ziyo ma mbànina woyo, mi ar suma kur ziyo ma hindinina bei tchid’a; a hum tara.