Ma tchi wala 9:5 - Bible azumeina

⁵ Kayam ndata, suma a nga ki irazina a wala azi mba bo, wani suma matna a we nga va d’i. Wurak nga kazi d’i, kayam a mar kazi woi da’.

Ma tchi wala 9:5 Referans Kwoze

Isai 26:14

Suma matna a nga hulong kak ki irazi d’uo d’a, suma a bona a nga hulong tchol akulo d’uo mi. Ang mba, ang dabazi wa woyo, ang b’lak djib’er ra suma a djib’eret kazid’a woi pet mi.

Ma tchi wala 1:11

Sa nga mi djib’er yam vama mi kal leina d’i; ahle suma a mba mba bugolâ, sa nga mi djib’er kazi d’uo mi.

Sawal la giled’a 6:5

Ma didina, ang hulongî prud’un ndeyo, ang sud’un ndei yam we hohou manga.

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.

Wana ni mbaktumba hi Job-pa 14:21

Le a nga he ngola mi groma ni, mam nga mi we d’i; le a nga hulongôzi yazi kä ni, va ndolom nga d’i.

Ma tchi wala 2:16

Kayam a nga djib’er yam ma ned’a gak didin kal ma lilid’a d’i, bur ma avina a mba mar kazi zla tazi djak. Ma ned’a mba mi mit ni d’igi sama lilid’a na mi.

Sawal la giled’a 109:15

Ar tcho mazid’a ti ka’î avok Ma didina teteu, ar mi b’lak ahle suma a yazi ki simiyêzi yam andagad’a ka hina woyo!

Ma tchi wala 8:10

Ata yi máma an we suma a tos suma asa’atna kur zula. Sum ndazina a hulongî a nga suburuzi kur lovota, a mar rei yam sun mazi d’a asa’at ta azi lata. Wana ni sun nda hawa yaka d’ei.

Isai 63:16

Kayam angî Abumiya. Abraham mi wami nga d’i, Israel ko mi wami nga d’ala ami ni na d’a d’uo mi. Ni ang Ma didina tu ba, nAbumiya, ni ang ma yang kad’u tinda dedei ala Mami ma sutä na.

Ma tchi wala 7:2

Hotei ang i kur azì ma a nga tchi matna kuana, kal la ang i kur azì ma a le te ma luna kuana. Matna ni dabid’a hi suma pet. Ar nge nge pî, mi djib’er yam ndata.

Wana ni mbaktumba hi Job-pa 30:23

An wala ang mba in kur matna ata yima suma arina a mba i kuana.

Ma tchi wala 9:4

Sama nga ki irama mi ndak á tin hurum yam va. Adi ma arina mi kal azlo ma matna mi!

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

2 Samuel 14:14

Gagazi, ei mba boi d’igi mbiyo ma a vom kä ma mi sid’am kä ma sana nga mi fe lovota á gulum mbuo na na. Alona nga mi hulong tchol sama matna akulo d’uo d’a. Wani mi min ala sama a kengêmza woi avoroma, mi arza kaka ata yi máma d’i.

Sawal la giled’a 88:13

Na ni a mba we sun mang nga ndandala ki d’ingêr manga kur yima nduvun ma matna zu?

Wana ni Zla d’a Djivi d’a Luc mi b’irita 20:32

Bugola, atcha ndata ti mit mi.