Ma tchi wala 9:18 - Bible azumeina

¹⁸ Ned’a ti kal ahle suma sï suma dur ayîna. Wani sama le tcho ma tuna, nga mi b’lak ahle suma djivina woi ablaud’a.

Ma tchi wala 9:18 Referans Kwoze

Josue 7:5

Suma Aï-na a tchi suma adigazi ni go ki dok hindi yam karagaya. A tinizï dika ei avun azì ma ngolâ dei mba Sebarim, a tchazi ata yima azi nga b’at sulugota kä na. Ata yi máma suma pet tazi tchuk susub’ok, huruzi ka mbina mi.

Josue 7:1

Israel-lâ a le tchod’a ngola kahle suma a d’el kazi ala a yozi d’uo na. Sana tu ad’u andjafâ hi Juda-na a yum ala Akan mam mi Karmi ma Zapdi goromina goroma, abum ngolo ni Zera, mi yo ahle suma Ma didina mi d’el kazina. Ni kayam ndata ba, Ma didina hurum zal ngola yam Israel-lâ.

Ma tchi wala 9:16

An dala: Ned’a ti kal ad’enga, wani ned’a hi sama houd’id’a a golot is, a hum nga zla mamba d’uo mi.

2 Timote 3:8

Azi ni d’igi Janes azi ki Jambres suma a tchol djangûna ki Moise adjeuna na; sum ndazina a nga tchol djangûna ki gagazid’a mi. Ni suma djib’er mazid’a b’lak keina, he gagazi mazid’a ndak nga d’i.

Josue 22:20

Kid’a Akan Zera goroma mi le sun nda ata yat tuo d’a kahle suma Ma didina mi he nga vuna kazi d’uo na ni, Ma didina hurum zalî yam ablaud’a hi Israel-lîd’a pet tuo zu? Akan mi ba woi ni yam tcho mamba vam tu zu?

2 Amuleina 21:2

Mi le sun nda tchod’a avok Ma didina, mi tit ni yam sun nda ndjendje d’a lara ge pet ta andjaf suma Ma didina mi digizi woi adjeu avok yam andagad’a á ar yina mi Israel-lîd’a.

Ma tchi wala 2:13

An we woi tetet ala ned’a ti kal lilid’a d’igi b’od’a ti kal nduvunda na mi.

Ma tchi wala 7:12

Ned’a ti nga d’i ngom sana d’igi beged’a ti ngom sana na; djivid’a a we ned’a, kayam ti nga d’i i suma nga ki sed’etna buruzi avogovogo.

1 Samuel 14:30

Ladjï azigarâ pet a tahle suma azi yozi abo sum mazi suma djangûnina ini ni, a mba tchi ini Filistê-na kal luo zu?

Wana ni mbaktumba hi Job-pa 35:8

Asa’at manga ti b’la’î sama d’igi ang na na, d’ingêr manga ti le ni sana goroma tam djivid’a hol.

Ma tchi wala 7:19

Ned’a nga d’i had’enga mi sama ned’a kal suma dogo suma a nga te yamba kur azì ma ngol ma tunina.

Ma tchi wala 10:1

Aro ma bona mi bu mbul ma his ma afufuîna hi sama yor mbulîna woyo. Hina mi, lili d’a ngiyeûd’a nga d’i b’lak ned’a hi sanid’a ki subura hi sanid’a woi mi.

Ma tchi wala 10:10

Le andjetna mi silagat a gurum nga d’uo ni, sana mi le ni sunda kad’engêm mbeî tua. Wani ned’a ti djivid’a kala.