Ma tchi wala 8:4 - Bible azumeina

⁴ Zlad’a hamulâ d’a lara ge pet ti nga kad’enga, sama ndak á djobom ala: Ang le na ni me na ge nga d’i.

Ma tchi wala 8:4 Referans Kwoze

Wana ni mbaktumba hi Job-pa 9:12

Ni nge ba, mba mi hulong ve vama mam hluma ge? Ni nge ba, mi dum ala: Ang le na ni me ge ge?

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Romê-na 9:20

Wani ang sana, angî nge ba, ang hulong zla d’a ded’a mAlona ge? Deina mba mi de mi sama minima ala: Ni kayam me ba, ang minin hina ge zu?

Zla d’a d’ogolâ 20:2

Ayîna hamulîna mi mbut suma mandarâ ni d’igi tchina hazlonina na. Sama kom kama mi le ni tam tchod’a.

Zla d’a d’ogolâ 19:12

Ayîna hamulîna mi ni d’igi tchina hazlonina na, wani djivi mamba ni d’igi mbad’ï d’a ata asunid’a na.

Daniel 3:15

Ki tchetchemba, agi minigi tagiya. Ata yima agi humugi tchina hadifina, hi taulâd’ina, hadingîna, hi daliyâd’ina, hi gangad’ina ki tchina hahle suma bu suma hle sawala tetengâ, agi grivigi kä andaga, agi kud’urogi filei ma yor ma lor ma an tinim akulona. Le agi kud’urogizi nga d’uo ni, a tchugugi atogo zak aduk für ra aku d’a hîhîka. NAlo ma lara ba, mba mi prud’ugi woi abon nge?

Zla d’a d’ogolâ 30:31

ahlek ma nga mi tit avok ahlugud’einina; mbekmbere ma nga mi tit avok aho’îna; amul ma nga mi tit avok azigar mamina.

1 Amuleina 2:46

Ata yi máma amulâ mi he vuna mi Benaya Jehojada goroma ala: Ang nde sä woi ki Simei avoron ang tchumu! Wana ni matna hi Simei-na. Ata yi máma amula hi Salomon-nda ti sira ad’enga ngingring.

1 Amuleina 2:25

Ata yi máma Salomon mi sun Benaya; mi tchumu. Wana ni matna hi Adoniya-na.

Buzuk ka Abud’a 1:18

Amul ma Ezipte-na mi yï arop suma vud’aropma, mi dazi ala: Ni kayam me ba, agi lagi hina ge? Agi aragi gro andjofâ bei tchid’a nana ge?

2 Samuel 24:4

Wani vun ma hed’a hamulîna mi kal yam Jowap azi ki nglod’a hi azigarîd’a. Jowap azi ki nglod’a hi azigarîd’a a buzuk kei avok amulâ, a i á ndum Israel-lâ.

1 Amuleina 1:30

An nga ni le ini vama an gunuk tan kam avok Ma didina Alona hi Israel-lâ ala: Ni goro’â Salomon ba, mba mi vrak tamula blangân á kak yam zlam man nda amula na.

Esdras 6:13

Ata yi máma Tatenai ma te yam andaga d’a sä abo alum ma Efrat-na abom ma fladegenina ki Setar-Bosnai ki ndrozi suma sunda, a nga le sunda yam vun ma he ma amulâ Dariyus mi hazizina memet mi.