Ma tchi wala 8:15 - Bible azumeina

¹⁵ Kayam ndata, an nga ni he ngola mi furîd’a, kayam vama djivi ma yam sana ka hî yam andagad’ina nga d’i. Ni ted’a ki tched’a ki furîd’a hol. Wana ni vama djivi ma ki sed’em kur sun mamba kur bur ma Alona mi humzi yam andagad’a ka hina.

Ma tchi wala 8:15 Referans Kwoze

Ma tchi wala 2:24

Vama djivi ma yam sanina ni tala mi te, mi tche, mi le furîd’a yam sun mamba d’a. Wani an wala zla ndata ti tcholï nata Alona.

Ma tchi wala 5:18

Alona mi he ndjondjoîd’a ngola mi suma dingâ, mi arazi lovota á te kat mi. A tat mbiyod’u, a le furîd’a yam kau mazid’a. Ndata ni he d’a hawad’a hAlonid’a.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

Ma tchi wala 3:22

An we vama djivi ma yam sanina ni d’ala mi le furîd’a yam sun mamba d’a. Wana ni wurak mamba! Ni nge ba, mba mi hulongômî á we vama mi le blogoma ge?

Sawal la giled’a 42:8

Ndaka nga d’i djang kan kä d’igi mbiyona nga mi djang kä yam ndrama wü na, abil mangâ nga mi sulul kan akulo d’igi sama mbina mi hlubum kä na na.

Ma tchi wala 2:1

An de kurun ala: An mba ni iya, an mba ni kuk tan ki furîd’a, an mba ni kak ki halasa mi. Hina pet pî, ni hawa hina yak!

Ma tchi wala 2:3

An nga hurun á le furîd’a ki süm guguzlud’a á ndjun vun suma lilid’a. Hina pî, an nga ni te yam hliwinu. An min á wäd’u vama djivi ma suma a nga lum yam andagad’a ka hî ki kak mazi d’a yam andagad’a ka hid’a.

Ma tchi wala 2:10

Ahle suma iran ti min golozina, an nga ni d’elet ti. An nga ni d’el tan á le furîd’a d’uo mi, kayam an nga ni le furîd’a kurun krovo yam sun nda pet ta an lata. Wana ni wurak ka yam sun nda an lata.