Ma tchi wala 7:20 - Bible azumeina

²⁰ Gagazi, sama d’ingêr ma mi le djivid’a ma bei le tchod’a yam andagad’a ka hina nga d’i.

Ma tchi wala 7:20 Referans Kwoze

Romê-na 3:23

Suma pet a le tchod’a, a kid’ak kei ata subura hAlonid’a mi.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Jacques 3:2

Kayam ei pet nga tchilei yam ahlena ngola. Le sana nga mi tchila yam ahlena kur zla mam mba ded’a d’uo ni, sa máma ni sama ndak memetna, mi ndak á ngom tam pet memet mi.

1 Amuleina 8:46

Fata Israel-lâ a le wa tchod’a avorong kayambala sama bei le tchod’a mi nga d’uo d’a ni, le ang hurung zal kaziya, ang hazi abo mazi suma djangûna a yozi magomba kur andaga mazi d’a deid’a, d’oze kur andaga mazi d’a god’a,

Zla d’a d’ogolâ 20:9

Ni nge mi ndak á dala: An mbut hurun ndei yed’et, an mbut tan ndei yed’et kur tcho manda ge?

2 Sunda Hamuleinid’a 6:36

Fata Israel-lâ a le wa tchod’a avorongû, kayam sama bei le tchod’a mi nga d’uo d’a ni, le ang hurung zal kaziya, ang hazi abo mazi suma djangûna a yozi magomba a izi yam andaga d’a deid’a, d’oze yam andaga d’a god’a,

Isai 64:6

Sama mi yang simiyêng ma mi tchol akulo á reî ki sed’engâ nga d’i. Ang ngei tang ngei iramiya, ang arami ami pugumi kä kur tcho mamid’a yam tchila mamid’a.

Sawal la giled’a 143:2

Ang ka sariyad’a yam an azong mangâ d’i, kayam sama d’ingêr nga yam andagad’a avorong ngi.

Sawal la giled’a 130:3

Ma didina, Salad’a, ladjï ang nga ndumî tchod’a hi sumid’a ni, ni nge ba, mba mi kak karid’a avorong nge?

Wana ni mbaktumba hi Job-pa 33:12

An nga ni hulongông zla d’a ded’a, zla mang ndata nga ata yat ti, kayam Alona mi ngola kal sana.

Sunda hi suma hi Levi-nid’a 13:39

ma ngat buzuna mi golomu. Le yima ndal máma mi hapa patlazu ni, tam mbi ndalî hapa hawa; mi ni yed’et.

1 Samuel 20:34

Jonatan mi tchol akulo kayîna ngola avun tena, mi te nga tena kur bur ma mbàna hi til mámina d’i, kayam mam nga ki hur ma hata yam David, kayam me abum nga mi lum ndaka.

Sawal la giled’a 14:1

Ni sawal la David mi hlat mi hat mi ma ngolâ hi suma hle sawalina. Suma lilid’a a nga de kuruzi ala: Alona nga d’i! Azi ni suma b’lak keina, a le ni sun nda ndjendjed’a; sama le djivid’a tu pî nga d’i.

Sawal la giled’a 14:3

Azi pet a vit teyo, a mbut tchod’a abo tazi tu; sama le djivid’ina nga d’i, tu pî nga d’i.