Ma tchi wala 7:13 - Bible azumeina

¹³ Ang gol sunda hAlonid’a. Ni nge mi ndak á d’op vama mam gunum mbeina ge?

Ma tchi wala 7:13 Referans Kwoze

Ma tchi wala 1:15

Vama gun ndei dana, sana mi ndak á d’obom mbi; vama nga d’uo na, sana mi ndak á ndumum mbuo mi.

Wana ni mbaktumba hi Job-pa 12:14

Le mi b’lak va woyo ni, sama hulong mi minim akulona nga d’i. Le mi ge sana dangeina ni, sama gum akulona nga d’uo mi.

Isai 5:12

A nga bu ading ma nglona kading ma gureina ki daliyâd’a ki taulâd’a, a nga tche süm ma guguzlu d’a ayîna kur lü mazina. Wani a nga djib’er yam sun nda Ma didina mi lata d’i, a nga gol sun nda mam lat kabomba d’uo mi.

Ma tchi wala 3:11

Ahle suma mi lazina pet, ni djivid’a kur atchogoi mazid’a, gak mi hazi djib’era yam ahle suma a nga mbana. Hina pet pî, sana mi ndak nga á wäd’u sun nda Alona mi tinit ad’ut á led’a gak dabid’id’a d’i.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Isai 14:27

Ma didin ma ad’engêm kal petna, le mi nga hurum á le va ni, ni nge mba mi d’elem ge? Le mi zi abom kam akulo ni, ni nge mba mi hlum mbei ge?

Sawal la giled’a 107:43

Ar sama ned’a mi kak ki ned’a yam ahle ndazina, ar mi wäd’u sun nda o d’a didin nda Ma didina mi lata mi.

Romê-na 9:19

Dam ang mba dan ala: Le ni na ni, ni kayam me ba, Alona mi tchugumi zlad’a kami ge? Ni nge ba, mi ndak á d’el min mamba ge?

Romê-na 9:15

Kayam mi de mi Moise ala: An mba ni we hohowa sama an min wum hohowoma, an mba ni hat hurun yam sama an min hat hurun kama mi.

Isai 43:13

An ni ma nga avok dedeina; sama prut va abon nga d’i. An mba ni le va. Ni nge ba, mba mi d’elen nge?

Wana ni mbaktumba hi Job-pa 37:14

Job, ang tin humang ang hum ahle ndazina, ang tchol hina djang á wäd’u sun nda ndandala hAlonid’a!

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Sawal la giled’a 8:3

Ang mba nde ki giled’a avun gugureina ki kem mba tchapona á d’el mang suma djangûna ki suma a hal hlatchugulina bei de zlad’a mi.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

Wana ni mbaktumba hi Job-pa 11:10

Le mi kala, le mi ve sana, le mi yum ata yima ka sariyad’a ni, ni nge ba, mi d’elem ge?

Wana ni mbaktumba hi Job-pa 9:12

Ni nge ba, mba mi hulong ve vama mam hluma ge? Ni nge ba, mi dum ala: Ang le na ni me ge ge?

Ma tchi wala 8:17

ata yi máma an wala le sana d’el tam bei bur sena kandjege ki falei pî, mi ndak a we sunda hAlona pet ta nga mi lat yam andagad’a ka hid’a d’i. Le sana mi halat ki ndaka pî, mam mba mi fat ti. Le sama ned’a mi dala: An fad’u pî, nga mi fat ti.

Wana ni Zla d’a Djivi d’a Luc mi b’irita 12:26

Le agi ndagagi á le va ngiyeû d’uo ni, ni kayam me ba, agi djib’eregi yam ahle suma arâ ge?