Ma tchi wala 6:12 - Bible azumeina

¹² Ni nge ba, mi we vama djivi ma yam sana kid’a mi nga kaka yam andagad’a ka hî kur burum ma mi kal lei d’igi anguzuna na ni nana ge? Ni nge ba, mi ndak á de mi sana yam vama mi le blogom ka hî yam andagad’a ka hina ge?

Ma tchi wala 6:12 Referans Kwoze

Jacques 4:14

Agi wagi nga vama mba ndjivina d’i. Agi ni me ge? Agi suma d’igi amborogei d’a ti ge ndjö bugola ti b’rau woid’a na na, agi ni me ko ge?

Ma tchi wala 3:22

An we vama djivi ma yam sanina ni d’ala mi le furîd’a yam sun mamba d’a. Wana ni wurak mamba! Ni nge ba, mba mi hulongômî á we vama mi le blogoma ge?

Wana ni mbaktumba hi Job-pa 14:2

Nga mi buzur rei d’igi b’od’a na, mi yak keyo, nga mi kal lei d’igi angusâ na, nga mi kak tatâ d’i.

Sawal la giled’a 144:4

Sana mi ni d’igi fo d’a avun sanid’a na, burumî d’igi angusâ nga mi pret na mi.

Ma tchi wala 8:13

Wani sama asa’atna nga mi kak ki halasa d’i, mba mi te tatâ yam andagad’a d’uo mi, mba mi kal lei atogo d’igi anguzuna mi pretna, kayam mam nga mi le mandarâ avok Alona d’i.

Ma tchi wala 8:7

Kayam ndata, sana nga mi we vama nga mi mbana d’i. Ni nge ba, mba mi dum ala: Ahle ndazina a mba mba ni hina ge?

Wana ni mbaktumba hi Job-pa 8:9

Kayam ei ni suma kamina, ei wei nga va d’i; bur mei ma yam andagad’ina mi ni d’igi angusâ nga mi pret na mi.

1 Sunda Hamuleinid’a 29:15

Ami nakoyogeina avorongû, ami ni suma mbeid’a yam andagad’a avorong d’igi abuyomi ngolo na. Burumi ma yam andagad’a kä hina ni d’igi anguzuna hawa na, ami nga ki hur ma tinda yam kak mamid’a d’i.

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Ma tchi wala 9:6

O mazid’a, noî ta mazid’a ki yungôr mazina, a dap pei da’. Azi nga ki b’rau mazi yam andagad’a ka hî tu d’i.

Ma tchi wala 2:3

An nga hurun á le furîd’a ki süm guguzlud’a á ndjun vun suma lilid’a. Hina pî, an nga ni te yam hliwinu. An min á wäd’u vama djivi ma suma a nga lum yam andagad’a ka hî ki kak mazi d’a yam andagad’a ka hid’a.

Sawal la giled’a 109:23

An nga ni kal lei d’igi angus aguna mi pret na; a nga digin d’igi suma a dik djera na mi.

Sawal la giled’a 102:11

Kur ayî mangâ ki hur mang ma zal ma gugulu’â, ang hlan gan ndei dei ki sed’engû.

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

Sawal la giled’a 4:6

Agi hagi ahle suma ngat buzu suma ndak á hed’ina, agi hagi tagi mi Ma didina mi.

Wana ni mbaktumba hi Job-pa 14:21

Le a nga he ngola mi groma ni, mam nga mi we d’i; le a nga hulongôzi yazi kä ni, va ndolom nga d’i.

Mise 6:8

Nga na d’i! Ang sana, a tagang wa vama djivina, vama Ma didina mi halam atangâ ba wana: Ang tit ni yam d’ingêra, ang le yam djivid’a, ang ge yang kä avok Alo mangâ luluma.

Sawal la giled’a 89:47

Ma didina, ang mba ngei tang hina gak mindja ge? Ayî mangâ mba mi fo ni d’igi akud’a na gak su?

Sawal la giled’a 47:4

Mi hei ad’enga á te yam suma, mi hulongeî andjaf suma yazi kä ad’ui mi.

Sawal la giled’a 16:5

Ma didina, te mana ki tche manda a tcholï natangû, ni ang ba, nga ngom yi man ma kaka.

Ma tchi wala 2:24

Vama djivi ma yam sanina ni tala mi te, mi tche, mi le furîd’a yam sun mamba d’a. Wani an wala zla ndata ti tcholï nata Alona.

Ma tchi wala 6:11

Ata yima zla d’a de d’a nga kua wü na, zla d’a de d’a hawa yaka nga kua mi. Sana mi fe ni djiviya me kua ge?

Ma tchi wala 7:15

Kur kak man nda zlat nga d’uo d’a, an we sama d’ingêrâ nga mi ba woi kur d’ingêr mamba, wani sama asa’atna nga mi te tatâ kur asa’at mamba mi.

Ma tchi wala 9:9

Ang kak ki furîd’a katcha d’a ang hurung vata ki kak mang nga hawa yak ka yam andaga d’a Alona mi hangzi kur kak mang nga hawa yak ka yam andagad’a ka hid’a. Wana ni b’rau manga yam sun mang nga ang lat ka hî yam andagad’a ki kaud’id’a.

Ma tchi wala 10:14

Ma lilid’a nga mi i avogovok ki zla d’a ded’a. Sana nga mi we vama mi mba avina d’i. Ni nge ba, mba mi dum yam vama mba mi mba blogoma ge?