Ma tchi wala 5:15 - Bible azumeina

¹⁵ Wana ni vama tcho ma kalâ d’ei: Mba mi i ni abom hawa d’igi mi mbeï na, mba mi fe ni djiviya me yam sun nda mam kau tam kat hawa hina yaka ge?

Ma tchi wala 5:15 Referans Kwoze

Sawal la giled’a 49:17

Ata yima sana bege mamba nga d’i zulâ d’oze ndjondjoî mamba nga d’i i avogovo’â, ang hat hurung kat ti.

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

1 Timote 6:7

Kayam ei mbei nga kur duniyad’a ki va aboi d’i, ei ndak á i ki va aboi d’uo mi.

Wana ni Zla d’a Djivi d’a Luc mi b’irita 12:20

Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

Ma tchi wala 5:14

D’igi mi ndeï woi kur asum na, mi hulongî gandila d’igi mi mbeï na, nga mi hle vama mam kau ki tama abom tu d’uo mi.

Wana ni mbaktumba hi Job-pa 15:2

Na ni sama ned’a mi ndak á hulong zla d’a ded’a yam zla d’a ne d’a hawa yaka zu? D’oze mi ndak á hop hayam ki simet ma abo ma yorogonina zu?

Wana ni mbaktumba hi Oze-d’a 12:2

Suma Efraim-ma a te ni simetna, a nga tit bugol simet ma abo ma yorogonina. Burâ ki burâ a de ni zla d’a kad’a, a nga hurum ahlena, a djin vunazi ki suma Asiri-na, a nga i ki mbulâ avo Ezipte mi.