Ma tchi wala 11:6 - Bible azumeina

⁶ Kayam ang we nga vama ang mba fuma d’i; le ni ma wana, d’oze ma hina, d’oze azi djak a mba le djivid’a, ang we nga d’i.

Ma tchi wala 11:6 Referans Kwoze

Isai 55:10

Alo ma sed’a ki nesâ a nga yagï kä, a nga hulong bei rap andagad’a d’i, a nga mbud’ut tub’ad’a, a nga deî ahlena, a nga ba bei handjafâ mi sama zara d’i, a nga ba bei he tena mi sama nga mi tena d’uo mi.

Wana ni mbaktumba hi Oze-d’a 10:12

Agi zaragi d’engzenga, agi mba dud’ugi djivid’a, agi zumugi asine ma awilina mi. Yina mba wa tala agi hulongôgï gen an Ma didina gak an vogi suta kagi d’igi mbina na d’a.

2 Korente-na 9:6

An gagi humagi ala sama zar akid’eid’ina mba mi fet nakid’eid’a, sama zar ngolina mba mi fet ngola mi.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Ma tchi wala 9:1

Ahle ndazina pet an vazi kurunu, an kuguzi mi. An wala suma d’ingêrâ ki suma ned’a ki sun mazid’a pet nabo Alona, zlapa ki od’a ki noî tad’a. Suma ndak á wazi d’i, kayam ahlena pet navoroziya.

Ma tchi wala 11:7

B’od’a ti djivid’a, ti djivid’a yam ira á gol afata.