Ma tchi wala 11:5 - Bible azumeina

⁵ D’igi ang nga we yima simetna mi tcholï kuana d’oze ang nga we djeng nga gorâ nga mi djeng kur atcha d’a wirîd’a d’uo na, ang nga we sunda hAlo ma lahlena petnid’a d’uo mi.

Ma tchi wala 11:5 Referans Kwoze

Jean 3:8

Simetna nga mi sira yima mi min i kuana. Ang nga hum siwel mamba, wani ang nga we yima mi tcholï kuana d’i, d’oze yima mi i kuana d’uo mi. Suma pet suma Muzu’â hAlonina mi vud’uzina, ni hina mi.

Sawal la giled’a 92:5

Ma didina, an nga ni le furîd’a yam sun mang nga ang lata! An nga ni de woi yam sun nda ang lat kabonga mi.

Ma tchi wala 8:17

ata yi máma an wala le sana d’el tam bei bur sena kandjege ki falei pî, mi ndak a we sunda hAlona pet ta nga mi lat yam andagad’a ka hid’a d’i. Le sana mi halat ki ndaka pî, mam mba mi fat ti. Le sama ned’a mi dala: An fad’u pî, nga mi fat ti.

Romê-na 11:33

Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?

Isai 40:28

Ang wum nga d’i? Ang humum nga zlam mbi? NAlo ma dedeina, ni Ma didin ma mi le andagad’a gak ata vunat ma dabid’ina, mi nga mi kau d’oze mi seî d’uo; wäd’u mamba ni d’a sana mi ndak á feget ad’ut tuo d’a mi.

Sawal la giled’a 104:24

Ma didina, sun mang nga ang lata ti zul heî; ang lat pet ni ki ned’a, andagad’a ti oî kahle suma ang lazina.

Ma tchi wala 7:24

Vama nga na mi sä ni woi dei, mi ni zula yiyik. Ni nge ba, mi ndak á wum ad’um tetet ke?

Sawal la giled’a 40:5

Sama nga mi le furîd’ina ni sama deng tam ata Ma didinina; nga mi zlap ki suma subur tazina d’oze suma ka zlad’a d’uo mi.

Wana ni mbaktumba hi Job-pa 38:4

Ma didina mi de mi Job kua ala: Ata yima an gäd’u andagad’ina, ang nga ni lara ge? Le ang we woi teted’u ni, ang vandji ad’ud’a.

Wana ni mbaktumba hi Job-pa 37:23

Ei ndak á tchei sä ata Ma ad’engêm kal petna d’i; ad’eng mamba ti kal heî, d’ingêr mamba ti kal heî mi, wani hina pet pî nga mi le ir sa d’i.

Wana ni mbaktumba hi Job-pa 5:9

Mam mi sama mi lahle suma nglo suma sana mi ndak á vazi ad’uzi woi d’uo na, ni sama lahle suma atchap suma sana mi ndak á ndumuzi d’uo na mi.

Ma tchi wala 1:6

Bur ma dingâ simetna nga mi sir iram abo ma sutna, bur ma dingâ nga mi sir iram abo ma norâ, nga mi ngui tita balum asem burâ ki burâ. Bugola, mi hle lovot ta mi hlat adjeud’a.

Ma tchi wala 1:13

An he tan á hal ned’a, á fek ad’u ahlena pet suma a nga lazi ka hî yam andagad’ina. Wani ni sun nda kau d’a Alona mi tinit yam sumid’a!

Ma tchi wala 3:10

An we sun nda kau d’a Alona mi tinit yam sumid’a.

Ma tchi wala 3:11

Ahle suma mi lazina pet, ni djivid’a kur atchogoi mazid’a, gak mi hazi djib’era yam ahle suma a nga mbana. Hina pet pî, sana mi ndak nga á wäd’u sun nda Alona mi tinit ad’ut á led’a gak dabid’id’a d’i.

Ma tchi wala 11:4

Sama nga mi gol simetnina, nga mi zar ri; sama nga mi gol d’ugulina, nga mi dut tuo mi.