Ma tchi wala 10:20 - Bible azumeina

²⁰ Ar ang ngul amulâ d’i, ar ang ngulum kurung krovo d’uo mi; ata yang ma burâ pî, ar ang ngul ma ndjondjoîna d’i. Kayam aleina mba mi hlang delengû, mba mi i mi de zla mang nga ang data woi abua.

Ma tchi wala 10:20 Referans Kwoze

Sunda hi suma a sunuzinid’a 23:5

Paul mi dazi ala: B’oziyona, an we nga d’ala mam mi ma ngol ma ngat buzuna d’a d’i, kayam mbaktumba hAlonid’a ti dala: Ang de zla d’a tchod’a yam ma te yamba hi sum mangîna d’i.

Buzuk ka Abud’a 22:28

Agi ngulugi an Alo magina d’i, agi ngulugi amul magina d’uo mi.

2 Amuleina 6:12

Ma dingâ tu aduk azigar mam suma nglona mi hulong dum ala: Salana, sama adigei ma mi hle zla mei d’a gumunda mi it mamul ma Israel-lîna nga d’i. Ni Elise ma djok vun Alona ma nga avo Israel-lâ ba, mi ndak á de zla d’a ang dat kur gong mang nga burîd’a woi mamul mama!

Wana ni Zla d’a Djivi d’a Luc mi b’irita 19:40

Jesus mi hulong dazi ala: An nga ni dagiya, le azi ba pî, ahuniyôna a mba er ad’uzi akulo.

Wana ni Zla d’a Djivi d’a Luc mi b’irita 10:40

Wani sun nda tena nga d’i kid’eî ir Marta heî. Ti i gen Jesus, ti djobom ala: Salana, ang gola! Wiyenda aran sunda kan hina pet ni, ang nga dat ti ndjunun nduo zu?

Isai 8:21

A mba kal kur ambasa ki ndaka ki meid’a. Fata meid’a tchazid’a, huruzi mba mi zala, a mba ngul amul mazina kAlo mazina, a mba mbut irazi akulo.

Buzuk ka Abud’a 8:3

Wani suma kuma suma Ezipte-na a lahle mazi suma mbut ndazina hina mi. Greneûna mi buzugï woi yam ambas sa Ezipte-d’a mi.

Buzuk ka Abud’a 22:27

kayam ni baru mam mba ngol la tu d’a mam zlup ki tamba. Le d’i nga abom mbuo ni, mam mba mi zlup tamî ki me ge? Le mi tchi kanu ni, an mba ni humumu, kayam an ni Ma we hohowa sumina.

Ester 2:22

Mardose mi hum zla ndata, mi dat mamula Ester. Ester ti i de zla ndata mamulâ ala: Mardose mi dat na.