18 Sama azulomba heîna, azid’a ti beu ni kam kä; sama mi min le sunda d’uo na, azid’a ti tchut ni kam mi.
Atcha d’a ned’a nga d’i min aziyat kad’u, wani ta lilid’a ti tomî kä woi kabod’u.
Sama azulomba nga mi zum mbuo nabo ab’lenga, wani ata yima duta nga mi hala, nga mi fe va d’i.
Ami minimi ala ar nge nge pî adigagi mi kuk tam á we vama agi tinigi hurugi kama tetet gak bur ma dabid’a.
Sama gurut ki sümina ki sama te heîna a ge ni tazi houd’a. Sama mi halî sen ma burâ tuna mba mi tchu’î baru d’a ndjondjorod’a atamu.
Djib’era hi sama azulomba mba d’i tchumu, kayam mam min le sunda kabom mbi.
Suma a nga le sunda akud’a kekengâ, a mba te yam suma, wani suma a nga le sunda ndjondjôna a mba ka’î magumeina hi sumina mi.