Ma tchi wala 10:15 - Bible azumeina

¹⁵ Sunda hi sama lilid’id’a ti kawamî kawa, mi nga we lovot ta mi i kur azì ma ngolid’a d’uo mi.

Ma tchi wala 10:15 Referans Kwoze

Isai 57:1

Wani ma d’ingêrâ nga mi ba woyo, sama mi djib’er yam zla ndatina nga d’i. Suma djivina a nga yozi woyo, wani sama mi wad’ud’a ala a hle sama d’ingêrâ woi ná prud’um mbei kur asa’ata na nga d’i.

Ma tchi wala 10:3

Ata yima sama lilid’a nga mi titna, tit mamba nga d’i tak kei mi suma pet ala mam mi sama lilid’a.

Sawal la giled’a 107:7

Mi tagazi lovot ta d’ingêra kayambala a fe azì ma kaka d’a.

Sawal la giled’a 107:4

Israel suma dingâ a dau abagei hur fulâ, kur tit mazi d’a glovot hur ful ma gangrasîd’a. Azi fe nga azì ma kaka d’i.

Habakuk 2:6

Sum ndazina a mba mbud’umî vama lasa ki vama ndala mi d’uo zu? Azi mba dala: Ni zla d’a hohoud’a yam sama tok ahlena hi ndromina, ni zla d’a hohoud’a yam sama nga mi tok godjined’a kama; mba mi le hina ni gak mindja ge?

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Ma tchi wala 10:10

Le andjetna mi silagat a gurum nga d’uo ni, sana mi le ni sunda kad’engêm mbeî tua. Wani ned’a ti djivid’a kala.

Ma tchi wala 10:14

Ma lilid’a nga mi i avogovok ki zla d’a ded’a. Sana nga mi we vama mi mba avina d’i. Ni nge ba, mba mi dum yam vama mba mi mba blogoma ge?

Ma tchi wala 10:16

Ni zla d’a hohoud’a yam ambas sa amul matna mi gogora tua d’a mat suma sunda a kal yazi ata yima tena ki yorogo deid’a.