Matiye 9:6 - Bible azumeina

⁶ Wani kayam agi wagi woi ala an Gor Sana ni nga kad’enga yam andagad’a ka hî á vat hurun ndei yam tchod’a hi sumid’a..., mi de mi sama gugutud’a ala: Ang tchol akulo, ang hle zlat mangâ, ang i avo hatangû.

Matiye 9:6 Referans Kwoze

Matiye 9:5

Vama afefeta kal á ded’a ni me ge? An vat wa hurun ndei yam tcho manga da’ d’oze: Ang tchol akulo, ang tid’a d’a zu?

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

2 Korente-na 2:10

Le agi vad’agi hurugi yam sa ni, an vat hurun ndei kam mi. Le an vat hurun ndei yam sa ni, an vat hurun ndei kam ni yam agi avok Christ,

Kolos-sâ 3:13

Agi vagi tagi yam tagiya, agi vad’agi hurugi woi yam tagi mi. Le sa adigagi mi nga ki zlad’a ki ndrama ni, ar a vat huruzi woi yam tazi d’igi Salad’a hurum vat tei kagi na mi.

Efes-sâ 4:32

Wani agi lagi djivid’a aduk tagiya, agi wagi hohowa tagi mi. Ar agi vad’agi hurugi woi yam tagi d’igi Alona mi vat hurum mbei kagi yam Christ na mi.

2 Korente-na 5:20

Kayam ndata, ami mbud’umi suma sunda vrak balum Christ d’igi Alona tamba mi yagi yam wal mami d’a tchid’a na. Ami nga tchenegi ki simiyê Christ ala: Ar agi zlabagi darigïd’a kAlona.

Sunda hi suma a sunuzinid’a 9:34

Pierre mi dum ala: Ene, Jesus Christ mi sud’ung wa da’, ang tchol akulo, ang d’ut zlat mangâ. Ata yi máma na wat, mi tchol akulo.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Jean 10:28

An hazi ari d’a didinda, azi mba bo d’i, sama mba mi prud’uzi woi abona nga d’i.

Wana ni Zla d’a Djivi d’a Luc mi b’irita 5:21

Suma hat gata azi ki Fariziyêna a nde djib’er kuruzi ala: Ni nge ba, mi las Alona na ge? Sama ndak á vat hurum mbei yam tchod’a ni nge? NAlona tu d’uo zu?

Marik 2:10

Wani an min ala agi wagi ala an Gor Sana ni nga kad’enga yam andagad’a ka hî á vat hurun ndei yam tchod’a hi sumid’a. Ata yi máma, mi de mi sama gugutud’a ala:

Marik 2:7

Sa máma mi de ni zla me neî? Nga mi las Alona gi? Ni nge ba, mi ndak á vat hurum mbei yam tchod’a ge? NAlona tu d’uo zu?

Matiye 8:20

Jesus mi hulong dum ala: Beyaka ti nga ki zulud’u, aluweina a nga ki aziyaziya, wani an Gor Sana ni nga ki yima ni nik yan kuana d’i.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Matiye 4:24

Zlam nde yina kur ambas sa Siri-d’a pet. A nga mbam suma a nga kandjaf tugud’ei d’a teteng nga nga d’i lazi ndakid’a, a nga mbam suma a nga ki muzuk ma tchona kuruzina, suma pipina ki suma gugutud’a mi. Mi sud’uzi pet mi.

Matiye 9:2

A mbamï sama gugutud’a, mi nga burâ kä kur zlatna. Ata yima Jesus mi we he gagazi mazid’ina, mi de mi sama gugutud’a ala: Gorona, ang ve tangû! An vat wa hurun ndei yam tcho manga da’.

Matiye 9:7

Sama gugutud’a mi tchol akulo, mi i avo hatamu.

Jean 5:8

Jesus mi dum ala: Ang fagakulo! Ang hle zlat mangâ, ang iya.

Jean 5:27

Mi had’enga mi an Goroma á ka sariyad’a, kayam an ni Gor Sana.