Matiye 9:33 - Bible azumeina

³³ Kid’a Jesus mi dik muzuk ma tchona woi kurum dad’a, sa máma mi nde de zlad’a. Ablau suma a le atchap, a dala: Ei wei nga vama hina na aduk Israel-lâ yei tu d’i.

Matiye 9:33 Referans Kwoze

Wana ni Zla d’a Djivi d’a Luc mi b’irita 11:14

Jesus nde mi dik muzuk ma tcho ma mbut sana ndumîd’ina woyo. Kid’a muzuk ma tchona mi nde woi dad’a, ma ndumî máma nde mi de zlad’a; ablau suma a le atchap.

Isai 35:6

Suma dileîd’a a mba pir akulo d’igi dugiyona na, suma ndumîd’a a mba de zlad’a woi ki furîd’a, kayam mbina nga mi djang iram hur fulâ, toliyonda nga d’i djang irat abo ma Araba-na mi.

Wana ni Zla d’a Djivi d’a Luc mi b’irita 7:9

Ata yima Jesus mi hum zla ndatina, mi le atchap kamu, mi pret tamu, mi de mablau suma a nga tit ad’uma ala: An nga ni dagiya, aduk Israel-lâ pî, an fe nga he gagazi d’a ngol la hina d’a d’i.

Jeremi 32:20

Ang nde kahle suma yoyouna kahle suma atchapma woi yam andaga d’a Ezipte-d’a gak ini. Aduk Israel-lâ, aduk suma dingâ mi, ang he simiyêng ngola gak ini.

Sawal la giled’a 76:1

Ni sawal la gile d’a Asaf mi hlat kadingâ mi hat mi ma ngolâ hi suma hle sawalina.

2 Amuleina 5:8

Kid’a Elise mi hum ala amul ma Israel-lâ mi haû baru mama woyo d’a, mi ge sunda mi dum ala: Ni kayam me ba, ang hat hurung na ge? Ar sa máma mi mbeï avo hatanu. Mba mi wala gagazi, ma djok vun Alona mi nga yam ambas sa Israel-la.

Marik 2:12

Sama gugutud’a mi tchol akulo. Atogo hina zak, mi hle zlat mama, mi ndabu avorozi pet. Azi pet a le atchap, a subur Alona, a dala: Ei wei nga vama hina na yei tu d’i.

Matiye 8:10

Kid’a Jesus mi hum zla ndatid’a, mi le atchap, mi de mi suma a nga tit ad’uma ala: Gagazi, an nga ni dagiya, aduk Israel-lâ pet pî, an fe nga he gagazi d’a ngol la hina d’a d’i.

Matiye 9:32

Kid’a suma duka a nga id’a, suma dingâ a mbamï sama ad’enga ki sed’em á de zlad’a woina, kayam sa máma mi nga ki muzuk ma tchona kurumu.