Matiye 9:24 - Bible azumeina

²⁴ Mi dazi ala: Agi hud’ugi tagi woyo, kayam gora ti mit nga d’i, wani ti burî sena. Azi nde lazamu.

Matiye 9:24 Referans Kwoze

Sunda hi suma a sunuzinid’a 20:10

Wani Paul mi tchuk asem kä, mi hud’o kä kamu, mi vum atamu. Mi dazi ala: Agi bagi tchi ma wüna, kayam mi nga karid’a.

Sunda hi suma a sunuzinid’a 9:40

Pierre mi buzuk suma pet woi abua, mi grif kä, mi tchen Alona. Mi mbut iram yam mad’ad’u, mi yat ala: Tabita, ndak tchol akulo. Ti mal irat teyo, ti gol Pierre, ti tchol kak akulo.

Jean 11:4

Kid’a Jesus mi hum zla ndatid’a, mi dazi ala: Tugud’ei mamba ndak á tchum mbi, wani ná tak subura hAlonid’a tala á suburun an Alona Goroma d’a.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Wana ni mbaktumba hi Job-pa 12:4

Ata yima an yAlona mi hulongôn humbina, an mbut ni sama buniyôma a san ad’uma! An sama irat ma d’ingêrâ, ni mbut ni vama sanda!

Marik 5:40

Azi nde lazamu, wani mi digizi woi abu pet, mi yo gora abut azi kasut ki suma a nga ki sed’ema, a kal ata yima gora nga kuana.

Wana ni Zla d’a Djivi d’a Luc mi b’irita 8:53

Azi nde lazamu, kayam azi we ti mit da’.