Matiye 8:26 - Bible azumeina

²⁶ Jesus mi dazi ala: Agi suma he gagazi magi d’a akid’eid’ina, ni kayam me ba, agi lagi mandarâ hina ge? Ata yi máma, mi tchol akulo, mi ngop babarâ ki mbiyo apod’a. Yina mi tchol b’et mi.

Matiye 8:26 Referans Kwoze

Sawal la giled’a 65:7

Kad’eng manga ang tin ahuniyôna ata yaziya, ang nga kaka kad’eng manga ngingring mi.

Sawal la giled’a 89:9

Ma didina, Alo ma ad’engêng kal petna, ma ad’eng ma d’igi ang na na ni nge ge? Ma didina, d’engzeng manga ti nguyungû.

Matiye 6:30

Le Alona nga mi tchuk baru ma djivina masu ma ini ndjivin a mba tchugum kur gring ma akud’ina na ni, mba mi tchugugi baruna atagi kal luo zu? Agi ni suma he gagazi magid’a akid’eid’ina.

Romê-na 4:20

Wani mi he gagazid’a yam vun ma hle ma Alona mi hlumzina bei gigrita ba. Nga mi sira ad’enga kur he gagazi mamba, nga mi gile Alona mi.

Matiye 16:8

Kid’a Jesus mi we hina d’a, mi dazi ala: Agi suma he gagazi magi d’a akid’eid’ina, ni kayam me ba, agi nga dagi tagi yam avungô ma nga abogi d’uo na ge?

Vama ndum mbeina 10:2

Mi nga tchola ki mbaktum mba gora mala woi abomu, mi tin asem ma ndjufâ yam alum ma ngolâ, mi tin ma gulana yam andagad’a mi.

Habakuk 3:8

Na ni Ma didina, ang hurung zalî yam toliyonda zu? Na ni ang hurung zalî yam aluma zu? Ang nga djulul kayîna ata yima ang ful yam akulumeina, ang ful kur pus mang ma kus ayînina ni yam alum ma ngolâ zu?

Nahum 1:4

Nga mi ngop alum ma ngolâ, mi so woyo, nga mi so alum ma gureina woi pet, hat ma Basan-na ki ma yam ahina d’a Karmel-lina a nga lugod’a, b’o d’a Liban-nda ti yak kei mi.

Isai 63:12

Mam ma mi tit yam bik ka ndjufa hi Moise-sa ki sib’ik mambina mi nga ni lara ge? Ni mam ma wal mbina woi aduk mbà avorozi tala simiyêm mi yi gak didinu d’a.

Matiye 8:27

Wani sum ndazina a le atchap, a dala: Ni sama me ba, simetna ki mbiyo apod’a pî a ge yazi kä ad’um na ge?

Matiye 17:20

Mi hulong dazi ala: Kayam he gagazi magid’a akid’eid’a. Gagazi, an nga ni dagiya, le he gagazi magid’a ni d’igi ir mutarâ na ni, agi dagi mahina d’a wanda ala: Ndak pat tak iza hî ni, mba d’i pat ti i mi. Vama mba mi hlagi abod’ina nga d’i. [

Wana ni Zla d’a Djivi d’a Luc mi b’irita 4:35

Jesus mi ngobom ala: Ang ba! Ang nde woi kurumu. Ata yima muzuk ma tchona mi gum kä adigazina, mi nde woi kurumu, mi lum nga va d’i.