Matiye 8:10 - Bible azumeina

¹⁰ Kid’a Jesus mi hum zla ndatid’a, mi le atchap, mi de mi suma a nga tit ad’uma ala: Gagazi, an nga ni dagiya, aduk Israel-lâ pet pî, an fe nga he gagazi d’a ngol la hina d’a d’i.

Matiye 8:10 Referans Kwoze

Wana ni Zla d’a Djivi d’a Luc mi b’irita 7:9

Ata yima Jesus mi hum zla ndatina, mi le atchap kamu, mi pret tamu, mi de mablau suma a nga tit ad’uma ala: An nga ni dagiya, aduk Israel-lâ pî, an fe nga he gagazi d’a ngol la hina d’a d’i.

Matiye 15:28

Ata yi máma, Jesus mi hulong dat ala: Atchad’a, he gagazi maka ngola. Mba le ki sed’ek d’igi ndak min na. Ata yi máma, gorota ti tchol akulo woi kur tugud’ei mata.

Marik 6:6

Mi le atchap kayam azi he nga gagazid’a kam mbi. Bugola, Jesus nga mi ngui tita kur azina teteng, nga mi had’azi mi.

Wana ni Zla d’a Djivi d’a Luc mi b’irita 7:50

Wani Jesus mi de matcha ndata ala: He gagazi maka sud’uk wa; ndak i lafiya.

Wana ni Zla d’a Djivi d’a Luc mi b’irita 5:20

Kid’a mi we he gagazi mazid’id’a, Jesus mi de mi sa máma ala: Bäna, an vat wa hurun ndei yam tcho manga da’.

Ad’u Tinda 43:33

B’oziyoma a kak avorom d’ar tinï ad’ud’a yam ma ngolâ gak mba yam ma gorâ. Azi nga gol ir taziya, a le atchap.

Matiye 8:9

Kayam an nga nad’u vun ma hed’a hi sa mi, an nga ki azigarâ abonu. An le ni de mi ma tuna ala: Ang iya ni, mi iya; wani an le ni de mi ma dingâ ala: Ang mbeya ni, mi mba mi; an le ni de mazong mana ala: Ang le hina ni, mi le mi.

Matiye 8:11

Wani an nga ni dagiya, suma ablaud’a a mba tcholï abo ma yorogona kabo ma fladegena, a mba kak avun tabulâ ki Abraham azi ki Isak ki Jakob sä kur leu d’a akulod’a.

Sunda hi suma a sunuzinid’a 2:7

Vunadigazi d’i pat fek, a le atchap, a dala: Gologiya! Suma pet suma a nga de zlad’a wana ni suma Galile-na d’uo zu?