Matiye 7:2 - Bible azumeina

² Alona mba mi kagi sariyad’a kagi ni d’igi agi nga kat yam suma dingâ na mi. Mi mba mi ngagi ni ki nga d’a agi nga ngagi ki mi suma dingîd’a mi.

Matiye 7:2 Referans Kwoze

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Marik 4:24

Jesus mi dazi kua ala: Agi gologi tagi djivi ki vama agi humuma. Ni vama agi nga ngagi ki na ba, Alona mba mi ngagi ki mi.

Wana ni Zla d’a Djivi d’a Luc mi b’irita 6:38

Agi hagi mi suma, Alona mba mi hagi mi. Kur nga d’a djivi d’a kota, azi mba oyôgizi vunadigagiya, a mba gazad’u, mba d’i sulul kä woyo. Kayam Alona mba mi ngagi ni ki nga d’a agi ngagi ki mi suma dingîd’a.

Abdiyas 1:15

Kayam burâ hi Ma didinina mi ar go á mbad’a á ka sariyad’a yam andjaf suma pet. Mba mi lagi ni d’igi agi tagi lagi na, sun magid’a mba d’i hulong kagagiya.

Vama ndum mbeina 18:6

Agi lat d’igi ndat lagi na, agi wuragat yagi mbà d’igi ndat le na, agi oyôt kop mat ma tched’a yagi mbà d’igi ndat tata minigizi mi agi na mi.

2 Korente-na 9:6

An gagi humagi ala sama zar akid’eid’ina mba mi fet nakid’eid’a, sama zar ngolina mba mi fet ngola mi.

Suma ka sariyad’a 1:7

Adoni-Bezek mi dala: Amulei suma dok kid’iziya suma an ngad’azi tchitchid’azi d’a mudugunei d’a abozid’a ki d’a asezid’a woina, a yo bubuk te ma yak kä ad’u tabul manina. Alona mi hulongôn ni wuraka yam sun man nda an lata. Azi vum a i ki sed’em sä Jerusalem; mi mit sä kua.

Jeremi 51:24

Ma didina mi dala: An mba ni wurak Babilon ki suma a nga kaka kurutna pet yam tcho d’a azi lat mi Siyon-nda kä iragi na.

1 Samuel 15:33

Samuel mi dum ala: D’igi mbugiyo mang suma fuyogeina a ar aropma bei grona na, asung mba d’i ar bei gorâ na mi. Samuel mi ngat Agak kä woi avok Ma didina avo Gilgal.

Sawal la giled’a 109:17

Mi min mi ge ni vuna mi suma; ar vun ma ged’a mi mba kam mi. Mi min b’e vuna yam suma d’i; ar b’e vuna mi wal lei dei ki sed’em mi.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Jeremi 34:17

Ni kayam ndata ba, Ma didina mi de kua ala: Agi humun nga vunan á tchi wala ala ar nge nge pî mi ge wiyema d’oze mi ge ndrama akulo d’a d’i. Gola! An Ma didina an nga ni tchi wala kagi á tchugugi ayî ma durâ ki tugud’ei d’a tcho d’a tchi matna ki baktarad’a akulo kagiya. An mba ni mbud’ugi vama atchapma ir suma a nga kur leu d’a yam andagad’ina pet.

Matiye 6:14

Le agi vad’agi hurugi woi yam tcho d’a suma a nga lagizid’a ni, Abugi ma sä akulona mba mi vat hurum mbei yam tcho magid’a mi.

Buzuk ka Abud’a 21:24

Le mi tchot irad’u ni, a mba tchom mamba mi; le mi kuzut siyad’u ni, a mba kuzum mama mi; le mi kuzut abod’u ni, a mba kuzum mama mi; le mi kuzut ased’u ni, a mba kuzum mama mi;

Suma ka sariyad’a 5:27

Mi nde kä ased’u, mi puk kä, mi bur kä ased’u, mi baza kä andaga, mi nga ged’a kä ata yima mi puk kuana, mi mit mi so sä kä woi gizizing.

2 Samuel 21:5

A hulong de mamulâ ala: Sa máma mi tchami woi mi tin hurum ala mi b’lagami woi mi dabami woi kur ambas sa Israel-la ped’u.