Matiye 6:6 - Bible azumeina

⁶ Wani ata yima ang min á tchen Alonina, ang kal klavi hatangû, ang duk vun gong manga, ang tchen Abung ma nga ata yima ngeid’ina. Abung ma we ata yima ngeid’ina mba mi wuragangû.

Matiye 6:6 Referans Kwoze

2 Amuleina 4:33

Elise mi kal klaviya, mi duk vuna kazi djak, mi nde tchen Ma didina.

Matiye 14:23

Bugol la mi tin ablau suma woi ta d’a, mi djak akulo yam ahinad’a woi ken vam á tchen Alona. Kid’a afata nik dad’a, Jesus sä hî ni vam tu.

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

Sunda hi suma a sunuzinid’a 9:40

Pierre mi buzuk suma pet woi abua, mi grif kä, mi tchen Alona. Mi mbut iram yam mad’ad’u, mi yat ala: Tabita, ndak tchol akulo. Ti mal irat teyo, ti gol Pierre, ti tchol kak akulo.

Isai 26:20

Sum mana, agi igiya, agi tchugugi klavi hatagiya, agi dugugi vun gonga blogogiya, agi ngeyegi tagi ndjö gak ayî mama mi kal lei tua.

Sawal la giled’a 34:15

mi wal lei ki tchod’a, mi le ni djivid’a; mi hal b’leng nga halasa, mi tit blogot mi.

Matiye 6:18

kayam suma a wala ang d’el nga tang bei te tenä na d’i. Wani ang ta’î mAbung ma nga ngeid’ina hol. Abung ma wahle suma a nga ngeid’ina, mba mi wuragangû.

Sunda hi suma a sunuzinid’a 10:9

Tcha ndjivinda, kid’a azi nga kur lovota tua, a mbaza go huyok azì ma ngolîd’a, Pierre mi djak nga yam gonga akulo ki falei d’ad’ar á tchen Alona.

Matiye 6:4

Ar he d’a hawa manga ka’î ngeid’a. Abung ma nga mi wahle suma ang nga hazi gumuna, mba mi wuragangû.

Efes-sâ 3:14

Ni kayam ndata ba, an tchuk guguvan kä avok Abui

Romê-na 8:5

Kayam suma a nga tit bugol sa mazi ma adjeunina, a nga le ni minda hi sa mazi ma adjeunid’a, wani suma a nga tit bugol Muzu’â hAlonina, a nga le ni min mamba mi.

Sunda hi suma a sunuzinid’a 10:30

Kornei mi dala: Ini ni bur ma hindina, ata yima an nga ni tchen Alona avo hatan kid’a afata tchuk siyata. Atogo hina zak, sana mi nga tchola avoron ki baru ma wile wiwilika atamu.

Jean 1:48

Natanayel mi djobom ala: Ang wan ni lara ge? Jesus mi dum ala: Avok ka bei Filip mi yanga, kid’a ang nga ad’u tuluma tua d’a, an wangû.

Jean 20:17

Jesus mi dat ala: Ndak don ndi, kayam an djak nga gen Abun biya d’i, wani ndak i gen b’oziyona, ndak dazi ala an nga ni djak gen Abun mala nAbugiya na, gen Alo man mala nAlo magina na mi.

Zla d’a d’ogolâ 25:22

Hina wani, ni d’igi ang togomî aku gordjona kam na, Ma didina mba mi wuragang mi.