Matiye 6:2 - Bible azumeina

² Kayam ndata, ang le nga he he d’a hawa manga mi suma houd’a ni, ar ang tchi wala kat d’igi suma lop ira a nga le kur gongîyo mazi suma toka ki grak lovota na d’i. A le hina kayam suma a suburuziya. Gagazi, an nga ni dagiya, a fe wa wurak mazid’a da’.

Matiye 6:2 Referans Kwoze

Matiye 6:5

Jesus mi had’azi kua ala: Ata yima agi nga tchenegi Alonina, agi lagi d’igi suma lop ira na d’i, kayam azi min á tchol akulo kur gongîyo mazi suma toka á tchenda, d’oze grak lovota á tchenda, kayam suma a waziya. Gagazi, an nga ni dagiya, a fe wa wurak mazid’a da’.

Matiye 6:16

Jesus mi had’azi kua ala: Ata yima agi d’elegi tagi bei te tenina, agi mbud’ugi tagi hohoud’a d’igi suma lop ira a nga le hina d’i. Kayam azi mbut tazi hohoud’a kayam suma a wazi ala azi nga d’el tazi bei te tena. Gagazi, an nga ni dagiya, a fe wa wurak mazid’a da’.

Jean 5:41

An nga ni hal subura hi sumid’a d’i.

Hebre-na 13:16

Agi maragi á le djivid’a mi suma á ndjunugi tagi d’uo mi, kayam vama ngat buzu ma hina na ni vama lAlona tam djivid’ina.

Wana ni Zla d’a Djivi d’a Luc mi b’irita 20:46

Agi gologi tagi djivi ki suma hat gata. Ni suma a min á tit ki baru d’a fiyaka, a min suma gazi depa ad’u su’îna mi. Azi min á kak yam zlumiyô suma avo’â kur gongîyo mazi suma toka ki yima avo’â ata yima te tena mi.

Jean 7:18

Sama de zla mamba ki yama mi halî subur mamba ki yamu, wani sama hal subura hi Ma sunumïna, mam mi ma d’engzeng ma bei mbut ira kurum ba na.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

Sawal la giled’a 37:21

Sama asa’atna mi nde balâ abo sana, nga mi wuragam mbi; wani sama d’ingêrâ mi we hohou sana, mi hum hawa.

Efes-sâ 4:28

Sama kul adjeuna, ar mi kul luo d’a, wani ar mi le ni sunda kabom á fahlena á ndjun suma houd’a.

Galat-na 2:10

Wani azi gigid’emi ala ami marami yam suma houd’a d’i. Wana ni vama ngol ma tan nga d’i lan zlezleû kam á led’ina.

Sunda hi suma a sunuzinid’a 10:4

Kornei mi so iram gola atamu, mandara tchum su. Mi dum ala: Salana, a ni me ge? Malaikana mi dum ala: Alona mi hum tchen manga ki ndjun nda ang nga ndjun suma hohoud’id’a, mi djib’er kangû.

Wana ni mbaktumba hi Oze-d’a 8:1

Ma didina mi dan ala: Oze, ang tin adifa avunangû, kayam ma djangûna nga mi dal akulo yam andagad’a hi an Ma didinid’a d’igi b’aruna na, kayam Israel-lâ a but wa vun man ma djinda woyo, a tchila wa yam gat manda mi.

1 Timote 6:18

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi.

Romê-na 12:8

Le ná giget suma ni, ar mi gigid’eziya. Sama hahle mam suma djivina mi suma hiuna, ar mi hazizi ki hur ma tuna. Sama avok suma hiuna kur Tokina, ar mi le sun mamba ki zlezleûd’a. Sama ndjun suma hohoud’ina, ar mi ndjunuzi ki furîd’a mi.

Sunda hi suma a sunuzinid’a 24:17

Bugol bizad’a tcha, an mba ki he d’a hawad’a mandjavan ki vama ngat buzuna mAlona mi.

Sunda hi suma a sunuzinid’a 10:31

Mi dan ala: Kornei, Alona mi hum tchen manga, mi djib’er yam ndjun nda ang nga ndjun suma hohoud’id’a mi.

Sunda hi suma a sunuzinid’a 10:2

Ni sama djivina, nga mi le mandara Alona ki suma avo hatama pet. Mi nga mi ndjun suma hou suma Juif-fâ ngola, nga mi tchen Alona teteu mi.

Sunda hi suma a sunuzinid’a 9:36

Atcha d’a he gagazid’a tu nga kur Joppe, simiyêt ala Tabita, nala, Dorkas d’oze Duka, nga d’i le sun nda djivid’a burâ ki burâ, nga d’i ndjun suma hohoud’a mi.

Jean 13:29

Kayam Judas ni sama bid’im mba gurzud’a nga aboma, suma hiuna a djib’er ala Jesus mi dum ala: Ang i guzî ahle suma ei minizi á vun tilîna, d’oze, Ang i he ni va mi suma hohoud’a kla ge.

Jean 5:44

Agi suma halagi ni subura hi sumid’a, agi nga halagi subur ra tcholï ata Alo ma tu gid’engîd’a d’i. Ni nana ba, agi ndak á hagi gagazid’a ge?

Wana ni Zla d’a Djivi d’a Luc mi b’irita 6:42

Ni nana ba, ang de mi wiyengâ ala: Wiyena, ang tin an hlang asu ma lerem ma nga irangâ woyo, wani ang tanga we nga agu ma murguli ma nga irangâ d’uo ge? Ang ma lop ira, ar ang hlagu ma murguli ma nga irangâ woi tua, ang ndak á we yina woi tetet á hlasu ma lerem ma nga ir wiyengîna woi tua.

Marik 12:39

a min á kak yam zlumiyô suma avo’â kur gongîyo mazi suma toka, a min yima avo’â ata yima te tena mi.

Zla d’a d’ogolâ 20:6

Suma ablaud’a nge nge pî, mi de ni woi yam djivi mamba. Wani ni nge ba, mi fe sama d’engzengâ ge?

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Filemon 1:7

Wiyena, kayam o manga, tan ndi lan djivid’a heî; ti ndjunun mi, kayam ang b’leng hur suma hAlonina ngola.

1 Tasaloni’â 2:6

Ami nga halami subura hi suma atagi d’oze magid’a d’oze hi suma ding nguo mi. Ami ni suma a sunumina hi Christ-sâ, ami ndak á vami ahlena abogiya.

Sunda hi suma a sunuzinid’a 11:29

Suma hata a nga huruzi ala nge nge pî mi he vama ndak yam ad’eng mamba, a sun ahle suma ndjunda mi b’oziyod’a suma avo Jude-na mi.

Wana ni Zla d’a Djivi d’a Luc mi b’irita 13:15

Wani Salad’a mi hulong dum ala: Agi suma lop ira, na ni nge nge pî adigagi nga mi but amuhl mama d’oze koro mama ata yama te hatna, i mi hum mbina kur bur ma sabatna d’uo zu?

Wana ni Zla d’a Djivi d’a Luc mi b’irita 12:56

Agi suma lop ira, agi wagi simata handagad’id’a ki d’a hakulod’id’a, wani ni kayam me ba, agi wagi simat ta ka tchetchemba d’uo ge?

Wana ni Zla d’a Djivi d’a Luc mi b’irita 12:33

Agi guzugi ahle magina woyo, agi hazi he d’a hawad’a mi suma houd’a. Agi dubugi bid’im mba bei b’laka ba d’a, agi togogi ahle magina sä akulo ata yima bei b’laka, ata yima bei suma kula a tcha kua ba na, ata yima bei fotna b’lagazina.

Wana ni Zla d’a Djivi d’a Luc mi b’irita 11:43

Ni zla d’a hohoud’a kagi agi Fariziyêna, kayam agi minigi ni zlumiyô suma avo’â kur gongîyo magi suma toka, agi minigi ala suma a gagi depa ad’u su’â.

Wana ni Zla d’a Djivi d’a Luc mi b’irita 11:41

Ar agi hagi he d’a hawad’a ahlena ni ki hurugi pet mi suma hohoud’a. Hina wani, ahlena pet a mba mbut yed’et kagiya.

Wana ni Zla d’a Djivi d’a Luc mi b’irita 6:24

Wani ni zla d’a hohoud’a kagi agi suma ndjondjoîna, kayam agi fagi wa djivi magid’a da’.

Marik 7:6

Jesus mi hulong dazi ala: Suma lop ira, ma djok vun Alona Isai mi djok vun ma gagazina kagi kur mbaktumba hAlonid’a ala: Sum ndazina a nga hun ni ki vunazi hawa, wani huruzi woi dei ki sed’enu.

Matiye 24:51

Salama mba mi tchum tod’a. Azong máma mba mi fe wurak mamba zlapa ki suma lop ira. Ni yima suma a mba tchi a mba mut siyazi kua ngolina.

Matiye 23:6

Azi min yima avo’â ata yima te tena ki zlumiyô suma avo’â kur gongîyo magi suma toka.

Matiye 22:18

Wani Jesus mi we tcho mazid’a, mi dazi ala: Agi suma lop ira, ni kayam me ba, agi kugun nge?

Matiye 16:3

Ki yorogod’a, agi nga dagi ala: Ini alona mba se, kayam akulod’a ka hleud’a ki d’ugula kikring. Agi wagi simat ta akulod’a, wani agi ndagagi á we simata hatchogoi d’a wandid’a d’i.

Matiye 15:7

Agi suma lop ira, zla d’a Isai mi djok vuna kagid’a nata yad’u, kayam mi dala:

Isai 58:7

agi b’rawagi te magina ki suma meid’a tchazina, agi vagi suma hou suma a nga ki yima kaka d’uo na avo hatagi mi. Le agi wagi sana gandilad’a ni, agi zlubum baruna atamu, agi hagi azigagi mi simiyêgi d’uo mi.

Isai 9:17

Kayam asa’ata nga d’i ngal d’igi aku d’a nga d’i ngal kekerezeuna azi kaweid’a woi d’a nga d’i ngal agu d’a ndindika woid’a na, andozot nga mi i akulo mi d’ugula gongzong.

Ma tchi wala 11:2

Ang b’rau te mangâ mi suma ad’u kid’iziya d’oze ad’u klavandi, kayam ang we nga ndaka nga d’i mba yam andagad’id’a d’i.

1 Samuel 15:30

Saul mi de kua ala: An le tchod’a. Wani an nga ni tchenengû, ang han ngola avok suma nglona hi azigar manina ki Israel-lâ; ang mbei i ki sed’enu, kayam an i kud’or Ma didina Alo mangâ.

Matiye 7:5

Ang ma lop ira, ar ang hlagu ma murguli ma nga irangâ woi tua ba, ang ndak á we yina woi tetet á hlasu ma lerem ma nga ir wiyengîna woi tua.

Matiye 5:18

Gagazi, an nga ni dagiya, akulod’a kandagad’a a mba kal leyo, wani b’ir ra klera d’oze ta ndeb’eka hi gatid’a ti mba d’i kal lei d’i, gak ahle ndazina pet a ndak tua.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Matiye 6:3

Wani ang le nga he he d’a hawa manga mi suma houd’a ni, ar ndrang mi wat ti.

Matiye 23:5

Azi nga le sun mazid’a pet ni kayambala suma a waziya d’a, azi nga tchuk gan gata hAlonid’a atazi bibigilir, azi nga ndjap ahle suma djifâ avun baru mazina ndjundjû mi.

1 Korente-na 13:3

Le an b’rau ahle mana mi suma hohoud’a pet, le an he tan á ngala woi pî, le an nga ni le od’a d’uo ni, ndata ni sun nda hawa yaka.