Matiye 5:39 - Bible azumeina

³⁹ Wani an nga ni dagiya, agi sagi atchugulugi ki sama nga mi lagi tchod’ina d’i, wani kala, le sana mi mbereng agozlong ma ndjufâ ni, ang mbud’um ma gulana mi.

Matiye 5:39 Referans Kwoze

1 Tasaloni’â 5:15

Agi gologi tagi djiviya, ar sa mi wurak tchod’a yam ndrat tchod’a d’i, wani agi minigi tagi teteu á le djivid’a aduk tagi ki suma pet mi.

1 Pierre 3:9

Agi hulongôgi tchod’a kayam tchod’a d’i, ar agi hulongôgi ngula yam ngula d’uo mi. Wani agi b’agi ni vuna kaziya, kayam ata yima Alona yagina, mi hle vunam ala mam mba mi b’e vunam kagiya.

Zla d’a d’ogolâ 20:22

Ar ang dala: An mba ni hulong tchod’a yam tchod’a d’i. Ang tin hurung yam Ma didina; mam mba mi sud’ung ngeyo.

Hor ma tchina 3:30

Ar mi mbut agozlom mi sama nga mi toma, ar suma a kragam ngula mi.

Sunda hi suma hi Levi-nid’a 19:18

Ang hlatchugul li, ang ve sum mangâ grozina kurung ngi, ang le yam ndrangâ d’igi ang tanga na, kayam an ni Ma didina.

Zla d’a d’ogolâ 24:29

Ar ang dala: An mba ni lum d’igi mam lan na d’i, ar ang dala: An mba ni wurak nge nge pî yam sun mam mba mi lata d’uo mi.

Isai 50:6

An tin huyogon mi suma a tona, an tin agozlon mi suma a ndjud’un duduman ndeina, an ngei nga iran abo ngula d’oze abo ayô ma a tuvondji irana d’uo mi.

1 Korente-na 6:7

Le agi nga kalagi sariyad’a yam tagiya ni, ni vama zulona d’uo zu? Le azi nga lagi ahle suma a nga ata yazi d’uo na pî ni, agi nga vagi tagi d’uo zu? Djivid’a kal la agi arazi a yo ahle magina hawa d’uo zu?

Jacques 5:6

Agi kagi wa sariyad’a yam sama d’ingêrâ, agi tchum wa mi. Mam tchol nga ad’enga á noyôgi d’i.

Wana ni mbaktumba hi Job-pa 16:10

A ngo vunazi woi atan á liginu, a nga ngulunu, a nga tumun agozlonu, a tok tazi kan mi.

Hebre-na 12:4

Kayam dur magi ma ki tchod’ina, agi ndjigid’egi nga gak matna d’uo tua.

Wana ni Zla d’a Djivi d’a Luc mi b’irita 22:64

Azi d’ud’um iram mbei ki barud’a, a djobom ala: Ang damiya, sama tongî nge ge?

1 Amuleina 22:24

Ata yi máma na wat, Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Matiye 5:40

Le sana mi min ing ata yima ka sariyad’a á yo gumandje manga ni, ang aram baru mang nga ngola mi.

Wana ni Zla d’a Djivi d’a Luc mi b’irita 6:7

Suma hat gata azi ki Fariziyêna a so irazi yam Jesus ngolol á we na ni mi sut ini sama tugud’eid’a kur bur ma sabatna zu? Kayam azi nga hal lovota á vum ki zlad’a.

Jean 18:23

Jesus mi hulong dum ala: Le an de ni tchod’a ni, ang de woi yam tcho ndata. Wani le an de ni djivid’a ni, ni kayam me ba, ang tumun nge?