Matiye 5:14 - Bible azumeina

¹⁴ Agi ni d’igi b’od’a hi suma yam andagad’ina na. Azì ma ngol ma a minim yam ahinad’ina, mi ndak á vit ti.

Matiye 5:14 Referans Kwoze

Filip-ma 2:15

kayam agi kagagi suma yed’etna bei zlad’a kagi ba Alona grom suma bei ndjendjed’a aduk suma tcho suma gun suma kur atchogoi d’a wandina. Ar agi kagagi adigazi d’igi b’od’a na kur duniyad’a

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

1 Tasaloni’â 5:5

Kayam agi pet ni suma hi b’od’ina, suma hafatina mi. Ei ni suma handjeged’ina d’i, ei ni suma hi nduvundina d’uo mi.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Jean 12:36

Ata yima b’od’a ti nga ki sed’egina, ar agi hagi gagazid’a kad’u, kayam agi mbud’ugi suma hi b’od’ina. Kid’a Jesus mi de zla ndata dad’a, mi iya, mi ngei tam mbei iraziya.

2 Korente-na 6:14

Ar agi zlabagi darigïd’a ki suma bei he gagazid’ina d’i. Na ni d’ingêra ti le darigïd’a ki tchod’a zu? D’oze, b’od’a ti ndak á zlap tu ki nduvunda zu?

Jean 5:35

Jean ni lalam mba nga d’i ngal la nga d’i b’od’a mi. Agi lagi furîd’a kur b’o mata ndjö.

Vama ndum mbeina 1:20

Ang we zla d’a mudurid’a hi tchitchiu d’a kid’iziya d’a ang wat abon ma ndjufâ kagu ma tin lalam mba lora kama kid’iziyad’a. Tchitchiu d’a kid’iziya ti ni malaika suma kid’iziya suma yam Tok ka kid’iziyad’ina; agu ma tin lalamba kam ma kid’iziyana mi ni Tok ka kid’iziyad’a mi.

Jean 9:5

Kid’a an nga kur duniyad’a tua d’a, an ni b’od’a hi suma kur duniyad’ina.

Vama ndum mbeina 2:5

An nga ni dangû, ar ang djib’er yam yima ang puk kuana, ang mbut hurung yam tcho manga, ang le sunda d’igi ang lat avok na. Le ang mbut nga hurung yam tcho manga d’uo ni, an nga ni mba ni hle agu ma tin lalam manga woi ata yamu.

Ezekiyel 5:5

Wana ni zla d’a an Salad’a Ma didina ni data: Wana ni zla d’a ngad’a yam Jerusalem azì ma ngol ma an tinim aduk andjaf suma d’ad’ar ma an nguyum mbei d’uhl kambasa handjaf ma dingîd’a.