Matiye 5:1 - Bible azumeina

¹ Kid’a Jesus mi wablau sumid’a, mi djak akulo yam ahinad’a, mi kak kä. Mam suma hata a mba gevemu.

Matiye 5:1 Referans Kwoze

Marik 3:13

Bugola, Jesus mi djak akulo yam ahinad’a, mi yi suma hurum mi vazina; azi mba gevem mi.

Matiye 15:29

Jesus mi tchol ata yi máma, nga mi tit avun apo d’a Galile-d’a. Mi djak akulo yam ahinad’a, mi kak kä.

Marik 4:1

Jesus mi tin ad’ud’a kua á hat suma avun apo d’a Galile-d’a. Ablau suma a nga toka gevem ngola gak mi djak kak kur alumba hur apod’a. Ablau suma ki zlazi pet a nga kaka avun apod’a kä mi.

Marik 3:20

Jesus mi hulong avo. Ablau suma a togï kua d’ei, gak Jesus azi ki mam suma hata a fe nga lovota á te tena d’i.

Matiye 4:25

Ablau suma a nga i ad’umu, nala, suma Galile-na, suma kur Azì ma nglo ma dogona, suma Jerusalem-ma, suma Jude-na ki suma a nga kaka avun alum ma Jurdê-na abo woi hina mi.

Matiye 13:2

Ablau suma a togï gevem ngola gak mi djak mi kak kur alumba, ablau suma a kak kä avun apod’a.

Matiye 5:2

Mi nde mi had’azi ala:

Wana ni Zla d’a Djivi d’a Luc mi b’irita 6:12

Kur bur máma Jesus mi i yam ahinad’a á tchen Alona. Kur andjege ndata pet, nga mi tchen Alona.

Wana ni Zla d’a Djivi d’a Luc mi b’irita 6:17

Jesus mi tchugï asem kä ki sed’eziya, mi tchol ata yima kikid’i’â. Ni yima ablau mam suma hata a nga kuana. Ata yi máma, ablau suma a nga toka kua ngola mi. Azi ni suma Jude-na, suma Jerusalem-ma, suma a nga avun alum ma ngolîna, suma Tir-râ ki suma Sidon-na mi.

Wana ni Zla d’a Djivi d’a Luc mi b’irita 6:20

Jesus mi gol mam suma hata, mi dazi ala: Agi suma houd’a, agi lagi furîd’a kayam leud’a hAlonid’a ni magid’a.

Wana ni Zla d’a Djivi d’a Luc mi b’irita 9:28

Go ki burâ klavandi bugol la Jesus mi de zla ndatid’a, mi yo Pierre azi ki Jean ki Jacques, mi djak ki sed’ezi yam ahina d’a fiyak ka ked’iwurenga á tchen Alona.

Jean 6:15

Kid’a Jesus mi wala ar go azi nga mba á vum kad’enga á tinim amula d’a, kayam ndata, mi pat tam mbeyo, mi hulong mi djak akulo yam ahinad’a vam tu.