Matiye 28:10 - Bible azumeina

¹⁰ Ata yi máma, Jesus mi dazi ala: Agi lagi mandar ri, agi i dagi mi b’oziyona ala á i yam ambas sa Galile-d’a. Azi mba wan sä hî.

Matiye 28:10 Referans Kwoze

Romê-na 8:29

Kayam suma Alona mi manazi avok deina, mi nga hurum avok á mbud’uzi d’igi Goroma na, kayam Goroma mi ka’î Ma avo’â aduk b’oziyoma ablaud’a.

Jean 20:17

Jesus mi dat ala: Ndak don ndi, kayam an djak nga gen Abun biya d’i, wani ndak i gen b’oziyona, ndak dazi ala an nga ni djak gen Abun mala nAbugiya na, gen Alo man mala nAlo magina na mi.

Matiye 28:7

Agi igi atogo zak, i dagi mi mam suma hata ala: Mi tchol wa akulo aduk suma matna. Mi i sä avorogi yam ambas sa Galile-d’a ka tchetchem. Agi mba wum sä hî. Gola! An dagiya wa da’.

Marik 16:7

Ki tchetchemba, agi i dagi mi mam suma hata zlapa ki Pierre ala: Nga mi iza avorogi Galile; agi mba wum sä hî d’igi mi dagi avok na.

Matiye 28:5

Wani malaikana mi de marop ndazina ala: Agi lagi mandar ri, kayam an wala agi halagi ni Jesus ma a b’alam akulo ata agunina.

Matiye 14:27

Ata yi máma na wat, Jesus mi dazi ala: Agi vagi tagiya! Ni anu, agi lagi mandar ri.

Jean 6:20

Wani Jesus mi dazi ala: Ni anu, agi lagi mandar ri.

Matiye 25:45

Ata yi máma, an amulâ mba ni hulong dazi ala: Gagazi, an nga ni dagiya, ata yima agi lagi nga va mi ma gor ma kid’ak aduk gugurei suma wana d’uo na, agi lum mbuo ni mi anu.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.

Matiye 26:32

Wani fata an tchol akulo aduk suma matnid’a, an mba ni iza avorogi yam andaga d’a Galile-d’a.

Matiye 28:9

Ata yi máma na wat, Jesus mi ngavaziya, mi dazi ala: An gagi depa. Azi mba, a vum asem a kud’uromu.

Matiye 28:16

Mam suma hat suma dogo yam tuna a i yam ambas sa Galile-d’a yam ahina d’a Jesus mi tagazizid’a.