Matiye 27:60 - Bible azumeina

⁶⁰ Mi gum kur zul mam mba awili d’a mi tchot aduk ahinad’id’a. Mi ligat ahina d’a ngola, mi dugut avun zula, mi ge tam mi iya.

Matiye 27:60 Referans Kwoze

Isai 53:9

A kam zulumî aduk suma asa’atna, wani a tozomî ki suma ndjondjoîna. Hina pet pî, mi le nga sa tcho d’i, a fe nga zla d’a kad’a avunam mbuo mi.

Matiye 28:2

Atogo hina zak, andagad’a ti yir ngola, kayam malaikana hi Salad’ina mi tcholï akulo, mi mba, mi ligat ahinad’a woyo, mi kak kad’u.

Matiye 27:66

Azi iya, a ngom asu ndata ped’et, a yirad’at vunad’u, a tin azigar suma ndjola kua mi.

Jean 20:1

Bur ma dimasa ki yorogo tcholola, kid’a yina kukurumuk tua d’a, Marie d’a Makdala-d’a, ti i yam asud’a, ti wahinad’a a ligad’at tei avun zula.

Wana ni Zla d’a Djivi d’a Luc mi b’irita 24:2

Azi fe ahina d’a ligata woi avun zula.

Ad’u Tinda 50:5

Ata yima abun ar go á matnina, mi gunun ala mi mit ni mid’a; an i tozomî kur zul la mi djugud’ot sä kur ambas sa Kanan-ndid’a. Ki tchetchemba, an min ala an i ni tos abun tos ba, an hulongî tua.

Isai 22:16

Ang le ni me ka hî ge? Ni me mangâ nga ka hî ba, ang djugot zulung ka hî ge? Ang djugot zulung akulo yam yima ndingâ, ang tcho ahinad’a á min yi mang ma tos tangâ akulo yam ahinad’a ge?

Matiye 27:59

Josef mi hlum mad’amu, mi d’ud’um ki bakta ma awilina.

Jean 11:38

Jesus hlihlik kurum krovo kua, mi i yam asud’a. Asu ndata ni zul ahinad’a, a dugut vunat kahinad’a mi.

Jean 11:41

Kayam ndata, azi ligat ahina ndata woyo. Jesus mi hle iram akulo, mi dala: Abunu, an lang mersi kayamba ang humunda.

Jean 19:41

Ata yima a b’alam kuana, asinena tu nga. Zul la awili d’a a ge nga sa mad’am kua d’uo d’a ti nga kuru.