Matiye 27:29 - Bible azumeina

²⁹ A tchil avaval aweid’a, a kulubumzi kamu. A dengêm tchereuna abom ma ndjufâ, a grif kä avoromu, a nga lazam ala: Lafiya, amulâ hi Juif-fîna, ami gang depa.

Matiye 27:29 Referans Kwoze

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Matiye 20:19

Azi mba han abo andjaf suma bei wAlona. Sum ndazina a mba lazanu, a mba ton ki blafâ, a mba b’alan akulo ata agu ma b’ala mi. Wani kur bur ma hindina, an mba ni tchol akulo aduk suma matna.

Marik 15:18

A nde gum depa ala: Lafiya, amulâ hi Juif-fîna.

Matiye 27:37

Zla d’a a tchugumzi kamba a b’irit akulo ala: Wana ni Jesus amulâ hi Juif-fîna.

Matiye 26:49

Ata yi máma na wat, Judas mi hut go gen Jesus, mi dum ala: Lafiya, Ma hat suma, an gang depa. Mi sobom vunamu.

Jeremi 20:7

Jeremi mi de mAlona ala: Ma didina, ang lobonu, ang vanu, ang kal kan kad’enga. An mbut ni vama sanda burâ ki burâ, suma pet a nga lazan mi.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Sawal la giled’a 69:7

Salad’a, Ma didin ma ad’engêng kal petna, ar suma a tin huruzi kangâ a mbut zulona kan ndi; Alona hi Israel-lîna, ar suma a nga halangâ a mang ngei kayam an nduo mi.

Marik 15:17

A tchugum baru d’a hleud’a atamu, a tchil avaval aweid’a, a kulubumzi kamu.