Matiye 27:2 - Bible azumeina

² Azi djinim a im a hum abo Pilat ma te yamba.

Matiye 27:2 Referans Kwoze

Sunda hi suma a sunuzinid’a 3:13

Alona hi Abraham-ma, Alona hi Isa’â, Alona hi Jakob-ma, Alona habuyoi ngolona, ni mam tamba, mi subur azong mama Jesus. Agi hum abo suma te yamba, agi noyôm avok Pilat kid’a mi min á gum akulod’a.

Matiye 20:19

Azi mba han abo andjaf suma bei wAlona. Sum ndazina a mba lazanu, a mba ton ki blafâ, a mba b’alan akulo ata agu ma b’ala mi. Wani kur bur ma hindina, an mba ni tchol akulo aduk suma matna.

1 Timote 6:13

An hang vuna avok Alo ma he arid’a mahlena petna, avok Jesus Christ ma le glangâs ma djivina avok Pôs Pilat-na,

Wana ni Zla d’a Djivi d’a Luc mi b’irita 13:1

Kur bur máma suma dingâ a mba de mi Jesus yam suma Galile suma Pilat mi tchazi mi gizeyêzi buzuwazi ki buzuna hahle mazi suma ngat buzuna mAlonina.

Hebre-na 13:3

Agi djib’eregi yam suma a nga kur dangeinina, d’igi agi nga ni ki sed’ezi kur dangeina na mi. Agi djib’eregi yam suma suma a nga djobozi vunazina d’igi agi nga ni ki sed’ezi kur djop vuna na mi.

2 Timote 2:9

Kayam zla ndata, an nga ni fe ndaka gak a djinin ki kindjingâ d’igi sama sulu’â na. Wani zlad’a hAlonid’a a djinit nga d’i.

Sunda hi suma a sunuzinid’a 28:20

Ni kayam ndata ba, an yagi á wagiya, á dagi zlad’a mi. Ni kayam hur ma tinda hi Israel-lîna ba, a djinin ki kindjingâ wana.

Sunda hi suma a sunuzinid’a 24:27

Wani kid’a bizad’a mbà ndak dad’a, Porsiyus Festus mi vrak balum Felix. Wani kayam Felix mi min á le Juif-fâ tazi djivid’a, mi ar Paul kur dangeina.

Sunda hi suma a sunuzinid’a 22:29

Kayam ndata, suma a min á djop ad’u zla mamba ki tod’ina, a aram atogo zak. Kid’a ma ngol ma kalâ mi hum ala Paul lî ma Romê-na d’a, mi le mandarâ, kayam mam djinim ki kindjingâ.

Sunda hi suma a sunuzinid’a 22:25

Kid’a azi djinim á tom ki blafîd’a, Paul mi de mi ma ngol ma azigarâ abom kis ma nga tchola ata yi mámina ala: Djivid’a a to sama Romê-na bei ka sariyad’a kam zu?

Sunda hi suma a sunuzinid’a 21:33

Ata yi máma, ma ngolâ hi azigarîna mi mba go, mi vumu, mi de mi sum mama ala a djinim ki kindjingâ mbà. Mi djop Juif-fâ ala: Ni ma lara ge? Mi le ni me ge?

Sunda hi suma a sunuzinid’a 12:6

Ata yima Herot mi min á ndum mbei abu yorogona, kur andjege ndata, Pierre mi nga burâ sena kä aduk azigarâ mbà, mi nga djinda ki kindjingâ mbà mi. Suma ndjola a nga tchola avun gonga á ngom suma dangeina.

Sunda hi suma a sunuzinid’a 9:2

mi djobom ala mi hum mbaktumba yam gongîyo suma toka hi Juif suma Damas-sâ, kayam le mi fe suma ding suma a nga tit kur lovota hi Salad’id’a, le ni andjofâ d’oze aropma ni, mi yozï mi mbazi Jerusalem ki djinda.

Sunda hi suma a sunuzinid’a 4:27

Gagazi, kur azì ma ngol ma wana a kak djangûna kazong mang ma bei tchod’a ba na, nala, Jesus ma ang manama. Herot ki Pôs Pilat kandjaf suma dingâ ki Israel-lâ a zlap vunazi kamu.

Jean 18:24

Ata yi máma, Anne mi sunum ki djinda mi Kayif ma ngol ma ngat buzuna.

Jean 18:12

Ata yi máma, azigarâ adesâ ki ma ngol mazina ki suma ngom yina hi Juif-fîna, a ve Jesus, a djinimu.

Wana ni Zla d’a Djivi d’a Luc mi b’irita 20:20

Kayam ndata, azi nga tchiged’emu, a tchuk led’et suma a nga golozi d’igi suma d’ingêrâ na na á vum ki zla d’a avunamba á hum abo suma te yamba, á ka sariyad’a kam mi.

Wana ni Zla d’a Djivi d’a Luc mi b’irita 3:1

Kur bizad’a dogo yam vahl hla Tiber Sesar nga mi te yambid’a, ata yi máma, Pôs Pilat nga mi te yam andaga d’a Jude-d’a, Herot nga mi te yam andaga d’a Galile-d’a, wiyema Filip nga mi te yam andaga d’a Iture-d’a kandaga d’a Trasonit-ta, Lisaniyas nga mi te yam andaga d’a Abilen-nda mi.

Ad’u Tinda 22:9

Kid’a azi mbaza ata yima Alona mi dum kamid’a, Abraham i mi min yima ngal ahle suma ngat buzuna, mi ndja aguna kamu, mi djin goroma Isak, mi gum yam yi máma akulo yam aguna,

Matiye 28:14

Le ma te yamba mi hum zla ndata ni, ami mba minimi zlad’a ki sed’em á pad’azi zlad’a woi kagiya.

Wana ni Zla d’a Djivi d’a Luc mi b’irita 23:1

Sum ndazina a yo ki zla tazi pet, a i ki Jesus avok Pilat.

Wana ni Zla d’a Djivi d’a Luc mi b’irita 23:12

Kur bur máma Pilat azi ki Herot a ve tazi banad’a, kayam adjeu adigazi ni djangûna.

Jean 18:28

A nde Jesus woi avo hi Kayif ki yorogo tcholola, a im kur azina hi ma te yambina. Azi tazi tchuk nga kua d’i, kayam azi min mbut tazi ndjendjed’a d’i, kayam azi fe lovota te Pa’â.

Suma ka sariyad’a 15:12

A dum ala: Ami mbami ná djining á hang abo suma Filistê-na. Samson mi dazi ala: Agi gunun tagi ala ni agi ba, mba tchan ndi.