Matiye 26:67 - Bible azumeina

⁶⁷ Kayam ndata, a tuvom ayôna iramu, a tomu. Suma dingâ a tom kaboziya,

Matiye 26:67 Referans Kwoze

Isai 50:6

An tin huyogon mi suma a tona, an tin agozlon mi suma a ndjud’un duduman ndeina, an ngei nga iran abo ngula d’oze abo ayô ma a tuvondji irana d’uo mi.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Jean 18:22

Kid’a mi de hina dad’a, ma dingâ aduk suma a ngom yina suma a nga tcholina, mi tumum iramu, mi dum ala: Ang hulong zla d’a ded’a mi ma ngol ma ngat buzuna ni hina zu?

Matiye 27:30

A tuvom ayôna iramu, a ve heleu ndata, a wad’am ki yamu.

Marik 14:65

Suma hiuna a nde tuvom ayôna iramu, a dugum iramu, a tom kaboziya, a dum ala: Sama tongâ ni nge ge? Azungeîna a vum ki tod’a mi.

Matiye 5:39

Wani an nga ni dagiya, agi sagi atchugulugi ki sama nga mi lagi tchod’ina d’i, wani kala, le sana mi mbereng agozlong ma ndjufâ ni, ang mbud’um ma gulana mi.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Jean 19:3

Azi hut gevemu, a gum depa ala: Lafiya, amulâ hi Juif-fîna, a tom kaboziya.

Marik 15:19

Azi nde tumum yam ki totogod’a, a tuvom ayôna iramu, a grif kä avoromu, a kud’urom mi.

Hor ma tchina 3:30

Ar mi mbut agozlom mi sama nga mi toma, ar suma a kragam ngula mi.

Isai 52:14

Suma ablaud’a a mba golomu, a mba hat huruzi kamu, kayam iram mbut hohoud’a, ti nga d’igi ir sana na d’uo d’a.

1 Korente-na 4:13

Ata yima azi nga de zla d’a tchod’a kamina, ami nga dazi zlad’a ki lulumad’a. Gak ini, a nga golomi ni d’igi djimgilâ hi duniyad’ina na, d’igi vama ndjendjed’a na mi.

Marik 10:34

Sum ndazina a mba lazanu, a mba tuvon ayôna iranu, a mba ton ki blafâ, a mba tchan ndeyo. Wani kur bur ma hindina, an mba ni tchol akulo aduk suma matna.

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Hor ma tchina 3:45

Ang mbud’umi vama ndjendjed’a, ang mbud’umi djimgilâ aduk andjaf suma.

Jeremi 20:2

Ata yi máma mi to Jeremi, mi vum mi gum aleina asem avun agrek ma akulo nding ma Benjamin ma kur gong nga kud’ora hi Ma didinid’ina.

1 Amuleina 22:24

Ata yi máma na wat, Sedekiyas Kenäna goroma mi hut gen Mise, mi tumum agozlom ping, mi dum ala: Muzu’â hi Ma didinina mi nde kurun ndeï ni mindja ba, mi dang zlad’a ge?

Gat ta a hat á mbàd’id’a 25:9

ata yi máma atchad’a hi wiyemid’a ti hud’ï gevem avok suma nglona, ti pat atuguru ma asema, ti tuvom ayôna iramu, ti dala: A mba le ki sama mi min ala andjaf wiyema mi djok kuo na ni na.

Ndumba 12:14

Ma didina mi de mi Moise ala: Ladjï abut mi tuvot ayôna irat ni mamu ni, mba d’i mbut zulona gak burâ kid’iziya d’uo zu? Ar ang walat tei ki kangâ gak burâ kid’iziya. Bugol tua ba, ang hulongôd’ï kur kangâ.

Matiye 26:68

a dala: Ang Mesi, ang tagamiya, ang damiyâ, sama tongâ ni nge?