Matiye 26:63 - Bible azumeina

⁶³ Wani Jesus ngruf kiki. Ma ngol ma ngat buzuna mi dum kua ala: An gunung ki simiyê Alo ma arina, ang le ni Mesi Alona Goroma ni, ang damiya.

Matiye 26:63 Referans Kwoze

Sunda hi suma hi Levi-nid’a 5:1

Ma didina mi de kua ala: Le sana mi hum yi d’a sana mi yi suma glangâsâ yam vama mi wum ki iram mboze mi humum ki humama ko ba, le mi de nga woi kam mbuo ni, zlad’a nga kamu.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Isai 53:7

A kid’eyêm iramu, wani mi ge yam kä, mi mal nga vunam mbi. Mi hle tamî d’igi gor timi ma a im ata yima ngatina na, d’igi timi ma nga tchola mudjuk avok suma tchawama na, bei mi mal vunam ba.

Matiye 27:12

Wani ata yima nglo suma ngat buzuna azi ki suma nglona a nga tchugum zlad’a kama, mi hulong nga zla d’a ded’a d’i.

1 Samuel 14:26

Kid’a azigarâ a tchuk aduk agud’id’a, mbul ayuma nga mi djang kä, wani sa tu adigazi ma djom á ted’ina nga d’i, kayam suma pet a nga le mandara gunda.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Jean 19:9

Mi hulong kur azina hi ma te yambina, mi de mi Jesus ala: Ang tcholï ni lara ge? Wani Jesus mi hulongôm nga zla d’a ded’a balum mbi.

Jean 19:7

Juif-fâ a hulong dum ala: Ami nga ki gata. Kur gat ndata djivid’a mi mid’a, kayam mam mbut tam ala mam mi Alona Goroma.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

Jean 10:36

ni nana ba, agi nga dagi yam an ma Abun mi manan mi sununï kur duniyad’ina ala: Ang nga las Alona, ni kayamba an dala: An nAlona Goroma d’a zu?

Jean 10:30

Ami kAbun ni tu.

Jean 10:24

Kayam ndata, Juif-fâ a nguyumu, a djobom ala: Ni mindja ba, ang arami bei le gigrita ge? Le angî Mesi-yu ni, ang dami woi mbak.

Jean 8:25

Kayam ndata, azi dum ala: Angî nge ge? Jesus mi dazi ala: An ni mam ma an dagizi zlam avo’â.

Jean 6:69

Ami hami gagazid’a, ami wami ala angî Ma dingêr ma tcholï gen Alonina.

Jean 1:49

Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

Jean 1:34

Jean mi dala: An we, an nga ni le glangâsâ kam ala: Mam mi Alona Goroma.

Marik 14:61

Wani Jesus mi ngruf kiki bei dum zlad’a ba. Ma ngol ma ngat buzuna mi djobom kua ala: Angî Mesi, Alona Gorom ma mi b’e vunam kama zu?

Matiye 27:54

Ma ngol ma azigarâ abom kis ma Romê-na azi ki suma a nga ki sed’em á ngom Jesus-na, kid’a a we yira handagad’a kahle suma a lenid’a, a le mandarâ, a dala: Gagazi, sa máma nAlona Goroma.

Matiye 27:43

Mi tin hurum yam Alona; le mi le kamu ni, ar mi sud’um ka tchetchem, kayam mi dala: An nAlona Goroma.

Matiye 27:40

A dum ala: Ang ma ala ang to gong nga kud’ora hAlonid’a kä ang minit akulo kur bur ma hindina na, ang sut tangû. Le angî Alona Goroma ni, ang tchugï aseng kä woi ata agu ma b’ala.

Matiye 27:14

Jesus mi hulongôm nga zla d’a ded’a d’i. Kayam ndata, ma te yamba mi le atchap ngola.

Daniel 3:16

Sadrak, Mesak ki Aben-Nego a hulong de mamulâ Nebukanezar ala: Amulâ, ami ndak á hulongông zla d’a de d’a yam zla ndata d’i.

Zla d’a d’ogolâ 29:24

Sama ve banad’a ki sama kulina, mi le ni tam tchod’a, kayam le nga mi hum gun nda suma a nga gun tazid’a pî, mi min de woi d’i.

2 Sunda Hamuleinid’a 18:15

Wani amulâ Ahap mi dum ala: An tcheneng tchen nda hud’a ni yan ga tua ba, ang mba dan zla d’a gagazi d’a tcholï avun Ma didinid’a ge?

1 Amuleina 22:16

Wani amulâ Ahap mi dum ala: An tcheneng tchen nda hud’a ni yan ga tua ba, ang mba dan zla d’a gagazi d’a tcholï avun Ma didinid’a ge?

1 Samuel 14:28

Sana tu aduk azigarâ mi dum ala: Abung gun suma ala: Le sa te va ini ni, gunda vumu. Ni kayam ndata ba, suma pet a seî wana.

1 Pierre 2:23

Ata yima a nguluma, mi hulong nga ngula balum mbi. Ata yima mi fe ndakina, mi ngop nga sa d’i, wani mi ar zla mamba abo Alo ma ka sariya d’a d’ingêrina.

1 Samuel 14:24

Kur bur máma Israel-lâ a fe ndaka, kayam Saul mi gunuzi ala: Sama te tena bei afata mbut fladege avok bei an sä atchugulun ki man suma djangûnina, sa máma gunda vumu. Sa tu pî, mi te nga va d’i.

Sawal la giled’a 42:2

Alo mana, an nga ni hat hurun kang d’igi pandrid’a nga d’i hat hurut yam mbiyo ma toliyona na.

Matiye 4:3

Diable mi mba atamu, mi dum ala: Ang le nAlona Goroma ni, ang he vuna mahuniyô suma wana a mbut avuna.

Matiye 26:62

Ma ngol ma ngat buzuna mi tchol akulo, mi djop Jesus ala: Ang nga de zla tu d’i? Ang nga hum zla d’a sum ndazina a nga tchugungzi kanga d’i?

2 Korente-na 1:19

Kayam Jesus Christ Alona Gorom ma an ki Silas ki Timote tchagizi walama, mam mi  ki Hawa d’a d’i, wani mam mi  d’a hAlonid’a teteu.