Matiye 26:46 - Bible azumeina

⁴⁶ Agi tchologi akulo, ei iya. Gola! Sama nga mi han abo sumina mi mba wa go.

Matiye 26:46 Referans Kwoze

Sunda hi suma a sunuzinid’a 21:13

Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

Jean 14:31

wani mbeî suma kur duniyad’ina a wala an nga ni le yam Abunu, an nga ni le d’igi Abun mi han vuna na mi. Agi fagagi akulo, ei i sä hî.

Wana ni Zla d’a Djivi d’a Luc mi b’irita 12:50

Wani batemba nga ni d’a mbeî an lata, hurun nga hat kat gak an lat tua.

Wana ni Zla d’a Djivi d’a Luc mi b’irita 9:51

Ata yima burâ mba go á hle Jesus sä akulona, mi ve tam á i Jerusalem.

1 Samuel 17:48

Goliyat mi nde tita á i ata David kua; David mi ring atogo zak á ngavam ata yima dur ayîna.

Wana ni Zla d’a Djivi d’a Luc mi b’irita 22:15

Mi dazi ala: Hurun hat heî á te Pa’â ki sed’egi avok ndak manda.

Matiye 26:45

Mi hulong mi mba gen mam suma hata, mi dazi ala: Ki tchetchemba, agi nga burugi sena, agi tugugi tagi tua! Gola! Yina mba wa, a nga han an Gor Sana abo suma tchona.

Matiye 26:47

Kid’a Jesus nga mi de zlad’a tua d’a, Judas ma aduk suma hat suma dogo yam mbàna, mi mbeï kablau suma ad’um ki mbuguyo suma fuyogeina ki tutuguyona aboziya. Azi ni suma suma nglo suma ngat buzuna azi ki suma nglona hi Juif-fâ a sunuzïna.

Marik 14:42

Agi tchologi akulo, ei iya. Gola! Sama nga mi han abo sumina, mi mba wa go.

Wana ni Zla d’a Djivi d’a Luc mi b’irita 22:21

Wani gologiya, sama mi han abo sumina mi nga ki sed’en avun tena.

Jean 21:20

Pierre mi pret tamu, mi we ma hat ma Jesus le kam heîna nga mi djï bugolo. Ni ma deng tam ata Jesus kid’a azi nga te te ma fladegenid’a, ni ma mi dum ala: Salana, ni nge ba, nga mi hang abo suma ge na.