Matiye 25:44 - Bible azumeina

⁴⁴ Ata yi máma, azi mba hulongôn ded’a ala: Salamina, ni mindja ba, ami wang ki meid’a, d’oze vun ma sod’a, d’oze akoid’a, d’oze gandilad’a, d’oze tugud’eid’a, d’oze dangeina ba, ami ndjunung nguo ge?

Matiye 25:44 Referans Kwoze

Wana ni Zla d’a Djivi d’a Luc mi b’irita 10:29

Wani mi min mbut tam d’ingêr, mi djop Jesus ala: Ndrana ni nge ge?

Matiye 7:22

Kur bur máma, suma ablaud’a a mba dan ala: Salamina, Salamina, ami djogomi zlad’a hAlonid’a woi ki simiyêng ngi? Ami digimi muzuk ma tchona woi ki simiyêng ngi? Ami lami sun nda ngol la atchapa ki simiyêng ngi?

Malatchi 3:13

Ma didina mi dala: Zla magi d’a agi dandjid’a ni d’a asa’ata. Agi dagi ala: Ami dami ni zla me d’a tchod’a kang nge?

Malatchi 2:17

Agi nga kawagi Ma didina ki zla magi d’a ded’a. Wani agi nga dagi ala: Ami kawamî ki me ge? Ni ki zla d’a agi nga dagi ala: Sama lara pî ma mi le tchod’ina ni ma djivina ir Ma didina, nata sama hina na ba, tam mbi lum djivid’a kam mi! d’oze, Alo ma ka sariyad’a mi nga ni lara ge d’a.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Jeremi 2:35

Hina pet pî, agi dagi ala: Ami ni suma bei zlad’a kamina. Ayî mama mi nga kami d’i. Gola! An nga ni kal ata yima ka sariyad’a ki sed’egiya, kayam agi dagi ala: Ami lami nga tcho d’i.

Jeremi 2:23

Ni nana ba, agi mba dagi ala: Ami mbud’umi nga tami ndjendjed’a d’uo, ami zlabami nga ki Bäl á kud’urom mbuo ge? Gola! Asegi mi kä kur hora wana, agi wagi vama agi luma. Agi ni d’igi djambal la arop pa afefet ta i abo hî i abo hî d’a na.

Matiye 5:6

Suma a nga djib’er á le minda hAlonid’a memetna a le furîd’a, kayam Alona mba mi hoboziya.

Matiye 10:41

Sama ve ma djok vun Alona ki simiyê ma djok vun Alonina, mba mi fe ni wurak ka a mba hat mi ma djok vun Alonid’a mi. Sama ve sama d’ingêrâ ki simiyê sama d’ingêrîna, mba mi fe ni wurak ka a mba hat mi sama d’ingêrîd’a mi.

Matiye 25:43

An mba akoid’a, agi van nga avo hatagi d’i; an gandilad’a, agi tchugun nga barud’a atan ndi; an tugud’eid’a, kur dangeina mi, agi d’un nga d’i.

Matiye 25:45

Ata yi máma, an amulâ mba ni hulong dazi ala: Gagazi, an nga ni dagiya, ata yima agi lagi nga va mi ma gor ma kid’ak aduk gugurei suma wana d’uo na, agi lum mbuo ni mi anu.