Matiye 25:30 - Bible azumeina

³⁰ Agi gagi azong ma tcho máma woi abu kur nduvunda. Ni yima suma a mba tchi a mba mut siyazi kua ngolina.

Matiye 25:30 Referans Kwoze

Matiye 8:12

Wani sumala leud’a ni mazid’a na, a mba tchuguzi woi abu kur nduvunda; sä kua a mba tchiya, a mba mut siyazi mi.

Matiye 22:13

Ata yi máma, amulâ mi de mazungeî mama ala: Agi djinigizi asem kabomu, agi gumza abu woi kur nduvunda; ni yima suma a mba tchi a mba mut siyazi kua ngolina.

Matiye 13:50

A mba tchuk suma tchona kur gring ma akud’a; ata yi máma a mba tchiya, a mba mut siyazi mi.

Jude 1:13

Azi ni d’igi abilâ halum ma ngol ma nga mi sulul hubup hubup ki sun mazi d’a zulona na, azi ni d’igi tchitchiu d’a tcha tata d’a na. Alona nga mi ngomozi kä kur yima nduvun ma i’îlik ma yiyi’â gak didin.

Wana ni mbaktum mba Paul mi b’irit mi Tit-ta 3:14

Ar sum meina a hat á le sun nda djivid’a teteu, kayam a fahle suma a kid’agazina, kayam tit mazid’a kak bei vuta d’i.

Jean 15:6

Le sama nga kaka zlapa tu ki sed’en nduo ni, Abun mba mi gum mbei d’igi a gabo guguzlud’a woi na, mba mi so woi mi. Bugola, a togomu, a tchugum aduk akud’a, a ngalam mbeyo.

Wana ni Zla d’a Djivi d’a Luc mi b’irita 13:28

Agi mba tchigiya, agi mba mud’ugi siyagi ata yima agi mba wagi Abraham azi ki Isak ki Jakob ki suma djok vun Alona pet suma a nga kur leud’a hAlonid’ina, wani agi tagid’a a mba tchugugi woi abua.

Matiye 24:51

Salama mba mi tchum tod’a. Azong máma mba mi fe wurak mamba zlapa ki suma lop ira. Ni yima suma a mba tchi a mba mut siyazi kua ngolina.

Matiye 13:42

A mba tchuguzi kur gring ma akud’a. Sä kua sum ndazina a mba tchiya, a mba mut siyazi mi.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

2 Pierre 2:17

Azi ni golongeî suma bei lau mbina, azi ni d’igi d’ugul la babarâ nga mi tchat tatad’a na. Alona nga mi ngom zul la nduvun nda yiyika kaziya.

Matiye 5:13

Jesus mi had’azi kua ala: Agi ni d’igi ndjuvuna hi suma yam andagad’ina na. Le ndjuvuna ayâm pat teyo ni, a mba minim ni ki me ge? Mi ndak á le va d’i, wani a komzi ni woyo; suma a mba mired’em kä kaseziya.

Matiye 3:10

Ki tchetchemba, andjetna mi ged’a kä ad’u aguna. Agu ma lara ge pet ma nga mi vut vut ta djivid’a d’uo na, a mba kam mbeyo, a mba gum aduk akud’a.

Sawal la giled’a 112:10

Sama asa’atna mba mi we hina wani, mba mi ka guruta, mba mi mut siyamu, ad’engêm mba d’i dap pei mi. Suma asa’atna, min mazid’a mba d’i kal leyo.