Matiye 24:36 - Bible azumeina

³⁶ Jesus mi had’azi kua ala: Wani yam zla mbad’a hi bur máma ki ler ndatid’a, sa nga mi we d’i, d’oze malaika suma sä akulona, d’oze an tan Gorâ pî, ni we nga d’i; nAbui Alona tu gid’eng ba, mi we.

Matiye 24:36 Referans Kwoze

Marik 13:32

Jesus mi had’azi kua ala: Wani yam mbad’a hi bur máma ki yi mámid’a, sa nga mi we d’i, d’oze malaika suma sä akulona, d’oze an tan Gorâ pî, ni we d’i; wani nAbui Alona tu gid’eng ba, mi we.

Sunda hi suma a sunuzinid’a 1:7

Jesus mi hulong dazi ala: Nga ni kayam agi á wagi yina d’oze atchogoi d’a Abun mi ngat kur ad’eng mambid’a d’i.

Matiye 24:44

Kayam ndata, agi pî, minigi tagiya, kayam ata yima agi nga djib’eregi d’uo na, an Gor Sana mba ni mba kua.

2 Pierre 3:10

Wani burâ hi Salad’ina mba mi mba ni d’igi sama kula na. Kur bur máma akulod’a mba d’i kal lei ki siwel la ngola, ahle suma akulona pet akud’a mba d’i b’lagazi woyo. Andagad’a kahle suma kurutna pet a mba ngal lei mi.

1 Tasaloni’â 5:2

Kayam agi wagi tetet ala bur ma Salad’a mba mi mba kuana ni d’igi sama kula mi mba andjege na.

Vama ndum mbeina 16:15

Salad’a mi dala: Ang huma, an nga ni mba ni d’igi sama kula na. Sama nga kaka ndjola, mi ngom baru mamba tala mi tit gandilad’a ba, suma a wum zulo mama d’uo na, mi le furîd’a.

Matiye 24:42

Kayam ndata, agi kagagi ki ndjola, kayam agi wagi nga bur ma mbad’a hi an Salaginina d’i.

Matiye 25:13

Jesus mi de kua ala: Kayam ndata, agi kagagi ki ndjola, kayam agi wagi nga burâ d’oze lera d’i.

Vama ndum mbeina 3:3

Ar ang djib’er yam hat ta ang had’ata ki vama ang humuma. Ang ge yang kä ad’u hat ndata, ang mbut hurung yam tcho manga. Le ang kak nga ki ndjola d’uo ni, an mba ni mba kang dumzi d’igi sama kula na, ang mba we yima an mba ni mba kuana d’i.

Zakari 14:7

Bur máma ni bur ma mba mi ka’î iram vam zenena, Ma didina mi wumî mam hol, faleid’a nga d’uo mi na, andjeged’a nga d’uo mi, wani b’od’a mba d’i ndeï woi ni fladege.