Matiye 24:14 - Bible azumeina

¹⁴ Zla d’a Djivi d’a yam leud’a hAlonid’a a mba tchat walat tei mi suma yam andagad’ina pet á le glangâsâ mandjaf suma pet. Ata yi máma, ad’u dabid’a mba d’i mba.

Matiye 24:14 Referans Kwoze

Vama ndum mbeina 14:6

An we malaika ma dingâ mi pirï akulo dei aduk simetna. Mi nga ki Zla d’a Djivi d’a ari d’a didinda á ded’a mi suma yam andagad’ina, mandjaf suma pet, ad’u andjafâ pet ki vun ma ded’a pet, mi suma pet mi.

Romê-na 10:18

Wani an nga ni djop ala: Azi hum nga zla ndata d’uo zu? Azi hum wa gagazi, kayam mbaktumba hAlonid’a ti dala: Suma a humuzi delezi yam andagad’a pet, zla mazid’a ti b’rau woi avun dabid’a handagad’id’a pet mi.

Wana ni Zla d’a Djivi d’a Luc mi b’irita 24:47

A mba tin ad’u tchi wala ki simiyêm yam zla mbut hurâ yam tchod’a á fe hur ma vata ata Alona yam tchod’a navo Jerusalem gak i ata andjaf suma pet.

Kolos-sâ 1:23

Wani mbeî agi kagagi ngingring kur he gagazid’a, bei gigeta ba yam hur magi ma tinda yam Zla d’a Djivi d’a agi humuta. Ni Zla d’a Djivi d’a tchat walat tei yam andagad’a peta. Kayam ndata, an Paul ni mbut azong ma sunda kad’u.

Matiye 10:7

Ata yima agi nga igina, agi tchagi wala ala: Alona mi mba wa go á te leu mamba yam andagad’a.

Matiye 9:35

Jesus nga mi ngui tita kur azì ma nglona kazì ma gureina pet. Nga mi had’azi kur gongîyo mazi suma toka, nga mi tchazi wal Zla d’a Djivi d’a yam leud’a hAlonid’a, nga mi sud’uzi woi kur andjaf tugud’ei mazid’a teteng ki suma homozed’a pet mi.

Kolos-sâ 1:6

Zla ndata ti mba hatagi d’igi ti b’rau yam andagad’a pet na, nga d’i vud’a, nga d’i zul avogovogo, d’igi nga d’i ladigagi na mi. Ata yima agi humugizina, agi wagi ala ni suma d’a gagazid’a hAlonid’a,

Matiye 24:6

Agi mba humugi siwela hayî ma durâ, agi mba humugi zla ayîna mi. Wani agi gologi tagi djiviya, ar vunadigagi d’i pat ti, kayam ahle ndazina mbeî a mba le, wani nad’u dabid’a hi duniyad’id’a d’i.

Matiye 4:23

Jesus nga mi tit yam andaga d’a Galile-d’a pet, nga mi hat suma kur gongîyo mazi suma toka, nga mi tchi wal Zla d’a Djivi d’a yam leud’a hAlonid’a, nga mi sut suma kur tugud’ei mazid’a ki suma homozed’a mi.

Sunda hi suma a sunuzinid’a 17:6

Kid’a azi fazi d’uo d’a, azi ve Jason, a tanam ki b’oziyoi suma hiuna avok suma b’ak zlad’a. Azi de ki delezi akulo ala: Sum ndazina ni suma b’lak andagad’a ki zlat petna. Ki tchetchemba, a mba wa ka hî,

Ezekiyel 7:10

Gola! Burâ mi mba wa! Gola! Nga mi djïya! B’laka ti mba wa, ndaka ti wet wa abot teyo, subur tad’a ti nde wa tat tei abua.

Vama ndum mbeina 3:10

Kayam ang ngom wa zla manda ki ve tad’a, an mi, an mba ni ngomong ata yima kuka mba d’i mba yam suma kur duniyad’a pet á kuk suma a nga kaka yam andagad’ina.

Sunda hi suma a sunuzinid’a 20:25

Agi suma an tit adigagi á tchagi wala yam leud’a hAlonid’ina, an wala ki tchetchemba, agi mba wan iran nduo d’a.

Matiye 24:3

Jesus mi nga kak kä yam ahina d’a Olif-fa. Mam suma hata a mba gevem vaziya, a djobom ala: Ang damiya, ahle ndazina a mba le ni mindja ge? Vama simat ma mba mi le ba suma a mba wala mba manga ki dabid’a hi duniyad’id’a a ar go na, ni me ge?

Vama ndum mbeina 16:14

Azi ni muzu’â hi Seitan-nina. Azi nga lahle suma atchapma. Azi nga i á tok amulei suma yam andagad’ina pet á dur ayîna kur bur ma ngolâ hAlo ma ad’engêm kal petnina.

Wana ni Zla d’a Djivi d’a Luc mi b’irita 4:5

Ata yi máma, Diable mi i ki sed’em akulo yam ahinad’a, atogo hina zak mi tagam leu d’a yam andagad’id’a pet.

Sunda hi suma a sunuzinid’a 1:2

gak bur ma Alona mi hlum sä akulona. Avok i mam mba sä akulod’a, mi he vuna yam ad’enga hi Muzuk ma bei tchod’a ba na mi mam suma a sunuzi suma mi manazina.

Sunda hi suma a sunuzinid’a 11:28

Ma dingâ adigazi simiyêm ala Agabus mi tchol akulo. Muzu’â hAlonina mi zud’um mi dala: Baktara d’a ngola mba d’i nde yam andagad’a pet. Gagazi, baktara ndata ti nde kur atchogoid’a hi ma te yamba Klaut-ta mi.

Matiye 18:19

Gagazi, an nga ni dagi kua, le suma mbà adigagi ka hî yam andagad’ina a ndjak vunazi tu yam vama azi tchenem kama ni, Abun ma sä akulona mba mi haziziya.

Wana ni Zla d’a Djivi d’a Luc mi b’irita 2:1

Kur bur máma ma te yamba Auguste mi he vuna mi mam suma sunda ala: Agi b’irigi simiyê suma a nga kaka kur leu d’a Romê-d’ina pet.

Marik 13:10

Mbeî a mba tchi wal Zla d’a Djivid’a woi avok andjaf suma pet tua.

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

Sunda hi suma a sunuzinid’a 19:27

Wani ni sun meid’a hol ba, mba d’i b’lak kei d’i, wani gonga halo d’a ngol la Artemis sa suma Asi-na ki suma duniyad’a pet a nga kud’urota pî, mba d’i mbut ni vama hawana.

Hebre-na 1:6

Wani kid’a Alona mi sun ni Gorom ma a vud’um avok ahlena petna yam andagad’a kuad’a, mi dala: Ar malaika mama pet a kud’uromu.

Hebre-na 2:5

Kayam andaga d’a nga d’i mba d’a ami nga dami kat wanda, Alona mi hat nga ad’u ad’enga hi malaikanid’a d’i.